姐夫生日, 順道慶祝父親節

今年姐夫生日, 邀請一眾兄弟姊妹出席. 我敬備超可愛印花骨瓷, 底衫及利是, 祝他有衣有食, 代代平安. 生日禮物, 父親節禮物, 母親節禮物, 結婚週年紀念禮物, 共冶一爐!

爸爸亦趁機人有佢有

購物完畢, 先吃個簡便午餐

呢間茶記, 亦走年青人路線, 重新裝修.

卡位面壁, 但坐落尚算鬆洞

我的潮州魚蛋河, 河粉實在不是潮式的, 一點也不滑溜, 魚蛋亦普通.

爸爸的巴基斯坦咖哩牛腩撈米線, 配兩粒雲吞湯(魚蛋粉旁的一碗), 侍應極力勸他不要選雲吞, 因為要等喎! 我話反正我地都有點雲吞麵, 係咪都要等架啦.

Bibi的雲吞麵, 我同魚蛋跟爸爸交換了一粒雲吞, 皮厚, 餡料亦麻麻.

再來鮮奶燉蛋白, 未算滑, 但甜度適中.

坐車出灣仔, 一落車, 陳小姐又走咗入七仔買野飲, 爸爸就係門外玩扭蛋.

一個扭蛋十蚊, 內有兩條拉鍊狀東東, 一條係手鍊, 一條係頸繩. 爸爸好喜歡, 以後就用佢黎掛工作証啦.

去到酒樓, 大人就耍樂



小朋友就煲碟, Bibi自備地圖一本, 慢慢研究.
 

齊人就可以開飯

一席酒, 各樣菜式齊備



龍蝦伊麵, 真材實料, 龍蝦蓋滿一碟.



乳豬亦相當不俗

 

蟹肉扒雙蔬, 草菰沒有用罐頭貨, 好感動 ~



翡翠炒雙蚌, 用既係露筍. 

濃湯雞煲翅, 用個爐熱住, 包保夠熱辣辣.

真材實料

 

因為太大煲, 我打包了兩大發泡膠碗走.

清蒸大花尾



原隻鮑魚扣玉掌, 大家都飽啦, 爭幾乎打包咗三分二碟走. 唔見咗隻雞添! 我冇食到, 飽得滯, 唔記得影.

糯米飯成為咗我同爸爸第二日既午餐

 

西米南瓜露, 嫂嫂話打包返去雪凍再食過!

重頭戲既壽桃包, 見到都開心.

超甜西瓜

打包回家的濃雞湯, 成為了我第二天的晚餐 - 津白雲吞新竹米.