Cheese Volcano粟米薯脆角

又逛零食店，買咗好幾款新口味卜卜脆既零食。

呢包就幾特別，話每件條邊都有3.5cm咁大既。

Cheese Volcano flavour seasoning喎，唔通辣既?

食晒成包既話，都五百卡架，好彩一包得48g，仲要同Bibi兩份，咁除開一人都只係百零卡唧。

打開黎睇，都幾滿喎，仲由頭食到尾都冇一粒係爛既。

粒粒漲卜卜，只有好輕微既、幻覺一樣既辣味，我專登唔出聲，睇下Bibi有冇投訴。

咦，佢冇出聲喎，咁就照俾佢繼續食。如果佢唔食，我一個人啪晒咪肥死!