在拼多多買繡球花

之前都試過在PDD買鮮花，真係睇你好唔好彩。見到十幾蚊有4枝繡球花，都想搏一鋪，咁就買咗啦。

轉頭仲推介俾同事，佢早我一日收到，仲話D花好大添！

 

我遲佢一日收到花，其實早上快遞已送到樓下，但大不良下午才收件，拆開包裝，報告有一枝斷了。

折口就在他手指公位置，不打緊，只要上截沒損傷就成。看到包裝也不錯，最底還有一小管水養著，怪不得到手時葉仍可保持翠綠。

黃昏回家，立即為各嬌花解除束縛，這一枝更大呢！

先把花兒倒頭插入水桶養一會，再反身插起養到天亮。

缺點是：花兒在狹小空間待了數天，花瓣受了委屈，一下子難以舒開。

我把最細的兩枝帶走，用花瓶插起來。

看來也不賴。

檯頭只得這個位置，

插兩枝花，足矣。

俾個大合照大家睇下先：

四棵插起，就如我檯頭的打印機一樣大，實在太厲害了！

依家先睇到，原來D花下面仲有小花蕾架。

我都好少咁近距離睇繡球既，以前都有買過盆栽，但果陣又冇揭起人哋裙底睇過喎。

據聞改變土壤的酸鹼度，就可以令繡球花變顏色。

想要藍色，就增加土壤酸性並補充鋁離子。

想變紅色，就要減低土壤酸性並減少鋁離子。

若然係白色既繡球花，因為不含花青素，就點改變土壞既酸鹼度都係白色架啦。

俾一個好重要既貼士大家，小心D睇評論上既相片，如果搵到有人拆箱時，枝花既底部係有小水管養著的，就可以放心買了。否則，情願找一間貴一點的，也不要貪便宜啊！