令人歎服的卷紙花

拎起呢本書果陣，我只留意 Miniature 呢個字，根本冇在意佢係卷紙花書黎．

仲係度諗：咦，有朱古力喎，參考下都好喎．．．



其實驟眼望落去，都幾可亂真架！

睇真ｄ，雖然見到卷紙既痕，但若然全都係用紙造，整成咁就唔簡單啦．

佢仲會列明做法架．

睇下ｄ朱古力碎同白朱古力漿點整既！係咪要寫個服字吖？1mm紙條卷豬腸，剪出黎又真係幾似刨出黎既朱古力喎．



雖然我一向對實物原大既手作冇乜興趣，今次真係由衷地寫個服字，佢真係引領我對紙造手作有更大既想像空間，相信都可以apply係粘土度既．

平日見慣既卷紙花，多數都係平面造型，好似呢本書入咁立體呢，就少見．

 

對卷紙花有一定認識既朋友，不妨去圖書館借呢本書返黎研究下，可能俾到你地更多靈感都未定架！

爸爸的八達通套

爸爸在Sanrio的精品店看到各款卡套, 正好用來放八達通.

他刺探地問: 咁大個男人, 用呢個會唔會俾人 .....?



我 : (都知佢想要架啦) 你以前用飛天小女警記事簿仔果陣, 咪同人講話係個女逼你用既( 擺明屈Bibi ), 咁今次你都可以照版煮碗, 再屈多佢一次既.

跟住我就買咗俾佢啦.

各位, 如果第日大家見到一個疑似阿叔既物體, 用緊上面果款青蛙仔卡套既八達通, 大聲d叫佢May姨叔叔(驚佢聽唔真呀), 睇下佢敢唔敢應你吖拿!

然後返黎報告, 等我同爸爸印證一下, 如果係真既, 咁就一定要獎下你啦 ~~~

P.S. 上星期, 爸爸話: 仲未有人叫過我喎.

我 : 梗係啦, 我都未出呢篇post! 

爸爸 : 哼! 等我仲成日用果陣張個套揚黎揚去添!
 

椒椒成熟時

同事種既迷你三色椒，終於都叫做結到果啦！



睇住佢地由綠色，變紅色，都幾得意．

我地原本就好認真咁，分開咗三個盆，分別種咗紅，黃，綠三色椒既．



呢棵係黃椒

佢大得最快

呢棵係"青椒"，結出黎既果似蕃茄咁，圓圓地

我地一路都以為佢係青椒

點知有日返黎，見到佢變咗紅色！咁咪即係冇青椒咯？哈哈，啱我呀，最憎食青椒架啦！

黃椒既身裁最標準，有燈籠椒既曲線．你地見唔見佢個籮pad有少少變咗色呀？

一心諗住佢好快會好似紅椒咁，變成全隻黃色

點知．．．．佢黎黎去去都只係變咗一半



唔通光線唔夠？

好！等我幫下你呀下．．．．但係我同佢玩咗幾日，阿中無艷小姐都係唔肯變身喎．

呢棵．．．原則上都係青椒黎．點知照妖鏡一出，見到佢個籮pad都有少少變咗紅色喎！
 

 
至於呢盆就已經證實咗係紅椒啦．呵呵，事實證明，得紅椒同黃椒唧！咁點解釋佢切咗三粒唔同顏色既三色椒，拎ｄ種子去種，但就唔見咗青椒呢？

 
以我推斷，佢當年切果隻青椒仔，其實只係未變色既紅椒黎，所以種出黎既，咪係紅椒咯！

呢隻係第一隻收成既紅椒，等我地洗乾淨佢先

 
好認真咁片開佢，拎返入面ｄ種籽出黎，俾咗另一個同事種．

 
我地幾個傻人，一人食一片迷你燈籠椒刺身

唔．．．原來係甜甜地既．

又經過一段長時間既洗禮，ｄ紅椒隻隻都見得人啦！

仲有好多花開緊，應該陸續有黎既，唔通佢地一年四季都會開花既？

 

至於阿中無艷小姐呢，做咗激光治療之後，真係完全脫胎換骨啦，家陣全粒都靚晒．

椒椒成熟時

同事種既迷你三色椒，終於都叫做結到果啦！



睇住佢地由綠色，變紅色，都幾得意．

我地原本就好認真咁，分開咗三個盆，分別種咗紅，黃，綠三色椒既．



呢棵係黃椒

佢大得最快

呢棵係"青椒"，結出黎既果似蕃茄咁，圓圓地

我地一路都以為佢係青椒

點知有日返黎，見到佢變咗紅色！咁咪即係冇青椒咯？哈哈，啱我呀，最憎食青椒架啦！

黃椒既身裁最標準，有燈籠椒既曲線．你地見唔見佢個籮pad有少少變咗色呀？

一心諗住佢好快會好似紅椒咁，變成全隻黃色

點知．．．．佢黎黎去去都只係變咗一半



唔通光線唔夠？

好！等我幫下你呀下．．．．但係我同佢玩咗幾日，阿中無艷小姐都係唔肯變身喎．

呢棵．．．原則上都係青椒黎．點知照妖鏡一出，見到佢個籮pad都有少少變咗紅色喎！
 

 
至於呢盆就已經證實咗係紅椒啦．呵呵，事實證明，得紅椒同黃椒唧！咁點解釋佢切咗三粒唔同顏色既三色椒，拎ｄ種子去種，但就唔見咗青椒呢？

 
以我推斷，佢當年切果隻青椒仔，其實只係未變色既紅椒黎，所以種出黎既，咪係紅椒咯！

呢隻係第一隻收成既紅椒，等我地洗乾淨佢先

 
好認真咁片開佢，拎返入面ｄ種籽出黎，俾咗另一個同事種．

 
我地幾個傻人，一人食一片迷你燈籠椒刺身

唔．．．原來係甜甜地既．

又經過一段長時間既洗禮，ｄ紅椒隻隻都見得人啦！

仲有好多花開緊，應該陸續有黎既，唔通佢地一年四季都會開花既？

 

至於阿中無艷小姐呢，做咗激光治療之後，真係完全脫胎換骨啦，家陣全粒都靚晒．