Book Binding - 釘報紙

報紙? 我真係未釘裝過喎。就算係上堂果陣，有一個環節係教大家釘散頁既，即所謂釘欖核，我都冇正式上過場。點解?我果陣開小差，走咗去玩燙金機咯。

所以我對釘報紙既認知係零既!

今次，話就話係要釘報紙，但就用返我地釘裝普通書刊既方法，穿布帶或上繩。

號角，對我黎講一D都唔陌生，事關我地公司都有一份。工場老闆話要用布帶喎，咁好啦，就用布帶啦!

今次我地用呢款線，佢好夠滑漏，冇乜打結既。我以為唔應該駁線，所以一開始就度晒足夠既長度，真係拉線都拉到傻。

用布帶既好處係日後上咗書皮後會襟好多。

尤其大本既刊物，翻揭得多亦冇咁易爛。

另外呢幾疊輕身D既，就用穿繩既方法就掂啦。

因為有同學一齊開工，所以快手咗。咁就拎另一D期刊出黎釘啦。

呢D季刊正呀! 三、四本就一疊，好快完成。