大家懷著感恩與不捨，跟導師吃頓晚飯，就當作謝師宴了。五時放學，訂了5:30的檯，晚一點就不能訂檯了。
一行21人，浩浩蕩蕩至大榮華，二話不說就點了兩套八至十位用的餐。
先來一隻燒鴨，好大一碟，氣勢磅礡。
蟹肉竹笙燴生翅，若真箇八位用，足可夠每人兩碗呢!看到碗內材料嗎? 魚肚的份量亦頗多呢!
再上一碟豉油雞，原本想點那馳名砵仔豬油撈飯的念頭差不多被打消，這兒的餸菜碟頭確是驚人。
酥炸老虎斑頭骨，乖乖不得了，惹味而不油膩，竟是第一碟清場的好菜。
西芹炒球，肉嫩清爽，又夠鑊氣。至此，吃砵仔飯的渴望徹底幻滅。
黃金蝦，夾了數件才動手拍照(我實在太投入食事，失職了)，大蝦肉質爽口，咸蛋黃亦很香口。餸菜份量太大，我們縱使有11人，也吃不完。
來個田園菜蔬，平衡一下。
再來雙菰燴生菜，又是大大的一碟。
檯面豈可放這麼多菜呢，待應細心給我們轉碟，換上雞公大碗，更有圍村菜風味。好像在吃九大簋呢! 最後大家都高舉白旗投降，要把吃不完的食物帶走。
甜品乃馳名馬拉糕，無論多飽也要嚐一口。
果然滑漏鬆軟，名不虛傳。
最後奉上麥米粥及陳皮紅豆沙，七時多就捧著肚子歸家去!
冇試豬油撈飯?
回覆刪除我地果檯，飽到上心口，仲要打包，冇本事再叫。隔離果檯去到馬拉糕都仍然心深不忿，點都要叫一砵黎每人整啖。
刪除佢既燒鳳肝係好正. 手拉麵麻麻, 我覺得.
刪除食鳳肝同拉麵既話不如留返D Quota食豬油撈飯啦。
刪除手打麵可以不理, 燒鳳肝好細一片加肥豬肉, 一人一份咋.
刪除咁咪即係金錢雞咯，我由細到大都唔食架。
刪除係咪元朗大榮華？大榮華啲野好抵食，我都鍾意幫襯！
回覆刪除就係咯, 下次我地又去咯不如!訂位只可以訂五點半，咁咪午餐實行食少D，早D食晚飯咯。
刪除元朗大榮華啲野好抵食，我上月都幫襯過！
回覆刪除我三間都叫做幫趁過啦，反而灣仔店俾我既感覺就麻麻。
刪除大家都好乖呢~課程尾升請老師食飯~
回覆刪除我地點只乖呀，我仲召集大家，俾咗個驚喜阿Sir同工場既負责人添。我諗阿Sir都好老懷安慰，我地咁有"家教"，應該冇人做過我計畫出黎既野咯! 呢點心意，簡直係無得彈呀!
刪除