齊來摺蝴蝶

無意中在網上看到一條教人摺蝴蝶的短片，十分簡單，立即在車上試一試。

我覺得用雜誌紙係一個好好既選擇，可以不用花費，亦可以有多種花款。

等我黎示範一下，先裁出一張四方形既紙。

打斜角對摺

另一邊斜角亦要對摺一次

然後又將兩條平衡邊對摺

上下、左右對摺一次

跟住做成以下基本形

呢款三角係大部份摺紙既基礎黎，相信大家唔會陌生。

跟住呢就要出動鉸剪，將一邊疊埋既兩隻尖角，剪出一個略大既圓角。

另一端疊埋果兩隻尖角就剪出一個小圓角就得啦。

伸展開黎就係咁既

將大圓角的一面咁摺法

反身，直角朝下

揭起直角翻過去，在頂邊突出少許。

反轉俾你地睇下，就係露咁少得啦。

咁就可以壓實條邊啦，但我唔想個三角會彈返開

所以就用少少雙面膠紙粘實佢。

而蝴蝶對翼下面又有個袋口喎，亦會彈開既

所以我又用少少雙面膠紙粘實佢

粘好之後，將對翼拍埋摺一下，就係咁樣架啦。

我咁鬼懶，實有計仔再簡化D既。

就係唔用雙面膠紙，就咁將對翼拍埋，係肚仔位置用釘書機啪一下就掂晒，最符合我懶人本色。

大家可以在修剪翅膀時有少少變化，剪出唔同弧線，做出不同造型既蝴蝶。

呢款蝴蝶，好適合用黎教小朋友，摺隻大D既，亦可以裝飾壁報架。