早餐@華豐

28/11/2016，難得Bibi因公事要到離島去，早上可以和我一起吃早餐。

原打算去巷仔見，可惜已結業，唯有轉到附近的華豐。甫坐下，最吸睛的就是牆上的這幅酥炸Peter仔，墨魚膠炸皮蛋，相信係泰國菜既皮蛋蝦餅變湊版。

呢度最出名係叉燒，咁我就點咗叉燒通，搭煎蛋、多士、奶茶。呢個份量，真係可以打包碗通粉做午餐架。

Bibi果份蘑菰庵烈，上檯果陣真係嚇一跳，漲卜卜，大大份。隻碟唔係野少架，咁都會出晒界。我心入面都為佢滴緊汗，點食呀?真係兩份食，叫多杯飲品都夠喎。

埋單，只係$64，比起太興、翠華實在抵食得多。

如果再有下次既話，我一定會選擇自備餐盒，打包走人。