未進校門，先來張照片。
禮堂門外一個拍照點，有校友的扭扭汽球場景。兩個娃娃分別穿上了我們的冬季及夏季校服。
今日回歸還有一項特別活動，順道參與這個烹飪班。
這是老師的示範: 用上了云呢拿荳筴及云呢拿籽，香味十足。
加上砂糖後，用火槍一燒，就變成焦糖效果了。
這是二人合作的份，是一客簡單又零失敗的甜品。
右邊的六杯，是我的製成品，我刻意減多一點糖，所以味道更合心意。
今天很高興約了一班同屆畢業生，齊齊回娘家一聚。
烹飪班過後就一起到茶樓吃點心，再回校參觀。
大家駐足在各幀珍貴照片前，留連忘反，弄得要趕流程的小師妹啼笑皆非。
陶磁科早已引退，現在只是一個興趣活動。當年的製衣、烹飪、美術、刺繡、陶藝都自成一科，可以考會考的呢! 我校的同學都能文能武，多得開明的老師安排了各項課餘活動讓大家參與。
因有部份工科已消失，校名原有的Technical就移除了。由何東官立工業女子中學變成何東中學。學校亦由英中變成了中中。而校章LOGO亦由HTTS變成少了頂部的一個橫畫。早幾年中六、中七還有破例收男生，現在又變回只收女生。
這一棵葡桃樹，是大家的集體回憶，我的班房剛好在可以伸手摘果的高度，偷採果子被捉著可要被校工大訓一頓呢!
參觀完畢，竟然還有一個班房可讓大家聚攏聊天，大伙兒呷一口茶，吃吃點心，過了一個悠閒的下午。
想keep住留意母校既活動? 各位師姐、師妹，如果有興趣加入校友會，或者參予日後活動，可瀏覽校友會面書或申請加入校友會。
或者列印下列表格亦可:
學校的興趣活動，製衣、烹飪、美術、刺繡、陶藝都很吸引我。
回覆刪除我讀緊果陣，仍然係英文工業中學，當年全部科目都可以考會考，會好全面。例如烹飪會讀埋營養學、中西烹調及餐單訂定等。連中一至中三都有機修習，好等到中四選科時找到自己心儀的科目。當然啦，商科如會計、打字、速記等，都有。所以學生都分佈到各個行業，基本上中五畢業，已有基本求職技能。
回覆刪除據我所知,六幾年時候是叫何東女子職業訓練學校?
回覆刪除冇錯，70年先改為何東官立工業女中學，98年再改為何東中學。
刪除可能我自己不嬲都唔係太留戀校園生活，所以離開咗學校之後就從來冇返去睇過……
回覆刪除我地學校好好玩架，初中時每個循環週都有五節烹飪、五節美術、三節體育、三節音樂、仲有縫紉以及各項你意想不到既課外活動。除咗考試測驗,同溫習，就係培養個人興趣既好地方。校際音樂節、舞蹈節、各項公開比賽等，大家都好積極投入咁參與，造就咗我地各個不同的獨立個體，回憶入面，大都是歡樂美好同頑皮既校園生活。舊生聚埋傾返有無數有趣同離譜既校園趣事，笑翻天呀。
刪除哦！原來你係何東既，聞說皇仁仔好鐘意何東妹喎。
回覆刪除因為附近一帶有幾間女校，尤以何東比較貼地，而且尚算精通家務，所以佢地有錯覺，認為何東女仔係最佳選擇唧。呢樣唔係我亂翕既，係我果D男同事話我知既。佢地學校唔知點解會標籤咗我地係賢良淑德型。
刪除你母校破例收男生，而我間和尚學校就轉制收女生，皆因收唔夠學生要縮班，甚至殺校。
回覆刪除好彩依家已經唔駛再收男生啦，因為已經轉咗制嘛。
刪除睇番你地既留言，真估唔到歷屆何東女咁叻，果然入得廚房，出得廳堂。仲見得場面。記得小六派中學學位，老師不說二話就叫我同媽媽揀何東入頭三位。她說我喜歡畫畫而且學科多野玩。結果派入了第二學位。我是九十年代末HTTS畢業的。過得最多時光是Annex，只有中三那年在正校上課。
回覆刪除我以前讀官立小學，成績中上，未算出色。但到填志願表時，我自己大膽地填咗何東做第一志願，其餘既就由得家人填上。幸運地一擊即中，派了五年的學位，造就了我多彩的校園生活:合唱團、彈床、全港第一隊女子口琴樂隊等等。唱歌、烹飪、美術、跳舞、運動等，唔可以話樣樣精，但中一至中三既學生，一定有機會嘗試。
刪除我是1978年畢業。不經不覺巳四十年。非常緬懷何東的日子。亦不時會翻開紀念册。可惜畢業後從未回過娘家。有些老同學亦已失聯。有機會真的要回去走一趟,再細味那些日子。多謝分享校內照片。
回覆刪除其實母校每年都有開放日，我都曾經想話請日假去行下。尤記得從前我地既開放日都做得好精彩既，相比附近一帶既中學，何東既展品同攤位都比較有趣，所以黎過參觀既人士，都會留下好印象。如果你係78年畢業既師姐，你應該見過我，我係留咗好長頭髮，好多時都紮馬尾既Green House一員。仲有冇與同屆既同學聯絡呢?可以約埋一齊返去架。又或者先參加俾校友參與既烹飪班吖，唔駛怕返到去唔認識大家既，事關好快就會同D師姐師妹打成一片，咪當俾個機會自己認識多D新朋友咯。
刪除唔好等啦，實際行動支持下，去校友會做個終身會員先啦。請按網誌內的連結。