懶人粟米墨魚餅

又一易過借火之小吃，買現成墨魚膠返黎，加超甜粟米粒入去撈埋就可以煮啦。至於放幾多粟米粒，真係豐儉由人，問題係你有冇本事，煎時粟米粒唔跌晒出黎既唧。功力淺既，就1:1啦。

買墨魚膠時，問檔主拎多塊膠紙，用手托住黎整合，就方便好多。

你地可以用餐刀，將墨魚膠好似整批盪咁粘住D粟米粒就可以了。

用少少油去一粒粒咁中細火去煎。

到咁上下翻下身，煎到兩面少許金黃，用筷子輕按略挺，即是熟了。冇信心既，煎耐少少都唔怕會過熟既，最緊要唔好生，費事食壞你。

我買咗一斤墨魚膠，咁都玩咗我成粒鐘先煎晒。

自己試食一粒先，咁多粟米粒都仍然好味，而且更健康。

真係煎到冇心機啦，最後就盡地一煲整塊大既俾自己啦!

嘩哈哈......，今次仲唔引來艷羨目光!

呢堆就帶返公司俾大家食啦!

我好求其加咋，大大細細咁，買定黎手啦喂!