一大早，未訓醒，閂廁所隻巴士門時唔小心夾親。手指公即時扁咗少少，血亦從一處較脆弱既地方標出嚟。
上半截指頭已失去知覺，但我唔想瘀血散唔到，之後搞到手指甲都黑埋就有牌都唔散。爭取最初既黃金幾分鐘，打開個櫃門見到枝冬青膏都殺啦。雖然佢較油膩，我但求潤滑一下皮膚唧，冇所謂啦。(其實任何BB油、潤膚露都得架。)
中午再隨手用少少潤手霜，又再輕輕往下掃一會，夾親既地方只係紅咗，完全冇瘀黑。
到了翌日，指頭回復知覺，亦冇出現瘀黑。
雖然我懶，已經冇再理隻手指公，到第三日，已經唔痛啦。
有人問: 乜你整親仲有心情影相呀?
就係我親自示範，大家先容易記得，又唔係咩大礙，咁啱我仲有時間，咪影低俾大家參考咯。
事實證明，我呢個散於既方法實在有效。大家有小碰撞，有機會瘀傷既話，可以依樣畫葫蘆，這是既不用藥物，但又有效果既急救大法，要好好記住呀!
叻呀！
回覆刪除第日一個唔好彩撞親，就試下呢個方法啦。
刪除我未搽過冬青油.
回覆刪除如果唔嚴重, 我唔會理佢.
我夾到手指都凹咗，指頭失去知覺。用關冬青膏，只係要搵嘢黎潤一潤D皮膚，BB油都得架，方便推散瘀血唧。如果我唔理佢，由得佢自然好既話，瘀血會繼續積聚，咁就會瘀腫，到時盞攞黎痛咯。快速散瘀既話，就會好快恢復啦。
刪除呢啲小意思，我頂多貼張葯水膠布就算。
回覆刪除個傷口咁細，我連膠布都唔會貼。只係下面果截，唔理佢就可能會瘀一大撻，仲有排都唔散。尤其隻腳撞到檯角之類既畸士，用咗呢個方法，真係好有效。
刪除我通常都係攞消毒藥水噴噴佢就算數。
回覆刪除傷口就好細既唧，我印乾咗就算，反而其餘部份既瘀血就要盡快散退。手指都扁埋，你估D血管會仲通唔通吖拿?唔理佢，晏少少咪會腫咯，咁就有牌都唔會好反啦。
刪除