同阿草開年Lunch @ Oro18

阿草一早就約咗我放完新年假, 一齊食午餐. 咁就試下呢間啦:

是日餐湯
Muscovite Vegetable Soup　俄國農村雜菜湯 - 好夠熱, 酸酸地, 夠醒胃

連餐包 - 暖暖咸麥包

Crab Roe with Sliced Cucumber Garden Salad
蟹籽青瓜田園沙律 - 菜夠新鮮, 清清地

本週主菜有四款:

A. Crispy Spice Chicken serve with Inariwa Udon
【新疆風味脆雞塊】伴稻庭手打烏冬濃香豬骨湯底 $ 8 8
B. Prawns and Tomato Basil Concasse with Linguine Sauté
西西里鮮茄海蝦燴扁幼麵 $ 8 8
C. Kurobuta Pork & Caramel Apple with Roasted New Potato
香煎美國極黑豚肉配焦糖青蘋果伴牛油燒新薯 $ 8 8
D. Aussie Minute T Bone Steak serve with Vegetable Garnish Or Linguine Pasta
澳洲T骨牛排可選配薯菜或意大利扁麵 $ 9 3

呢款係阿草點既西西里鮮茄海蝦燴扁幼麵

我既黑豚配新薯, 唔un, 都ok. 我地兩個都食清晒d野.

本週甜品 - Tiramisu 意大利芝士餅, 咁就梗冇嬸嬸整既咁正架啦!

Vesuvio Coffee Bean 100% Arabica (Double Roasted) OR
English Fruit Tea with Honey
(Naturally Caffeine Free)
即磨咖啡 或 香草果茶

呢杯咖啡, 都幾正, 夠熱, 唔放糖都飲到, 唔錯!

加埋一都係九十幾唧, 食個午餐可以話貴既. 但有五道菜咯喎, 又唔算過份. 點都平過老闆請開我食果d餐廳既.

權之助

年卅晚，食日本野實冇人同你爭，諗住唔駛訂檯，大安旨意，去到先知間野摺咗，唯有轉軚啦．

終於，我地去咗食放題，每位$188，適逢佢地一週年，有九折．

實在唔記得叫咗幾多野，好食既又猛叫，ｄ野都黎得幾快，尤其魚生，最快上場．

呢ｄ係小吃，螺肉，八爪魚仔，我冇食過，唔知咩味．

爸爸唔鍾意生冷野，所以佢一落場就叫拉麵，唉．．．食拉麵．．．

但意想不到既，呢隻叫"味蛋"既東東，竟然係溫泉蛋，咬開入面好似上海燻蛋咁，流心架！搞到我都好想叫碗黎食．原本賣相唔係咁差既，俾爸爸食咗兩啖，連塊紫菜都冇埋先黎影，係差ｄ架啦．

魚生唔錯，幾新鮮，我唔敢食甜蝦，但佢地話好正，所以唔知再叫咗多幾次．

原來足四位就有海膽送，你地都知我唔係一個稱職既攝記黎，所以往往食咗大半先識影相．．．

呢碟本來係滿晒既，但你地知啦，紫菜會腍架麻，大家梗要快手ｄ食件先啦．

燒鯖魚，爸爸食晒，我地又冇再叫，亦都唔知正唔正．至於秋刀咩，認真麻麻．

雞軟骨串係我既飛化黎，呢塊蟹肉忌廉薯餅未影得切就毀咗容．

一碗小拉麵邊夠飽架，爸爸又整多碗博多木耳拉麵．

我地大頭蝦，原來人地上碟果陣，係有花過心思架，如果唔係Ivan哥挾走件炸帶子，我都唔知佢地原本係做成青蛙咁款架．

金菰牛肉卷，唔得．

蕃茄牛柳串，我唔食牛架麻，但佢地話好好食．而雞翼呢，佢地話唔好，我就反而鍾意喎．

炸蟹卷唔知正唔正，只叫一件試下，其實呢度既食物都做得好細粒，唔會一下子食飽你．

叫咗唔知幾多碟蟹籽沙律，但原來野菜沙律仲正架．我地後尾再加多兩碟，仲叫埋煙肉炒菠菜，都唔錯喎，熱辣辣，早知叫多兩碟啦．

你睇下我地叫咗一粒八爪魚丸同一隻炸餃子，佢地整到好似晴天公仔咁可愛架．

芝麻雪糕好勁味架．

熱柚子蜜，熱度勁高，放低一輪，飲到底都咁熱．呢隻只係普通膠杯黎咋．

凍藍莓汁同凍柚子蜜反而似芬達味．

早知叫ｄ清酒黎試下啦．

除咗蟹柳同玉子，我地全部都食過，以三文魚，北寄貝，甜蝦同榮螺最好．

拉麵我真係有ｄ想叫架，但驚一下子食飽咗，所以爸爸食，我都冇食一啖．況且我平日下晝都食過啦，冇咩特別．

真係唔知點解臨尾先見到有炒菠菜既．．

辣麵豉魷魚鬚串好搞笑，係BB黎架．．

佢地叫得最多蟹籽壽司，契媽話飯細細，蟹籽多多，正．

驚手卷大件，所以只叫咗一件

麵豉湯麻麻，沙律一流．

天婦羅蝦，蕃薯都好食，驚熱氣，有好多都冇叫．

呢度樣樣都份量細細，咩都可以逐件叫，反而可以樣樣都食．

由落第一張單起計，可以食兩粒鐘，ｄ野黎得快，食第一粒鐘都大半飽啦．

我仲要去行花市，所以唔會食咁飽．

兔年初二團拜

年初二，事必要回香港仔團拜．

今年Old 1煮了菜膽鮑片

Old 6既黃金滿屋，估唔最受歡迎既係豬皮呀！佢仲以為呢味易煮，點知原來處理豬皮係勁煩既，又要拔毛．

Old 4既包庄至正．

打開：係金玉滿堂滷牛展

Old 3既翠綠油菜

Old 5既橫財就手，佢話電視教唔駛調味，就咁蒸個半鐘，先用南乳黎炆

夠晒腍，旋即被大家搶吃一清

Old 2每次都負責煮羅漢齋，亦會私人醒爸爸一盒．

Old 3既白切雞

同埋風生水起沙律

Old 9同我都懶，佢負責訂魚生

同壽司

Old 1既炆筍蝦

Old 4囡囡帶黎Pizza兩大個

Old 3既蜜豆炒帶子，一包卅粒既帶子只賣百五蚊，我地一人配給一粒．

我呢，醒到冇影，一早就包攬甜品，魔鬼天使，共惹一爐．

估唔到今年食物銷情十分理想，帶去打包既兩個食物盒只裝了一小件魔鬼蛋糕同筍蝦．

我輕輕巧巧咁去，就重疊疊咁返，除咗逗晒一眾哥哥姐姐既利是外，仲拎走咗一底蘿蔔糕，真係未食過咁清爽又唔漏既蘿蔔糕，正到吖．．．原來我地食兩次早餐就可以食晒一大底架啦．

仲有甥女做既自家製曲奇，我本來平均分咗三份架，但實在太好食啦，斷定爸爸冇咁好Taste，判佢冇得食！