小篆在很多人眼中，十分陌生，若不為大家解話，實在難以猜度我在刻什麼．
就試雕一個隸書印吧，字體方方正正，大家一眼就可瞧出來．
有板有眼的字體，在我來說，當然效易掌握啦．
一晚便可完成這個印．
由左至右，或者由右至左，也讀得通，不會有蝦碌的情況出現．
再沾點印墨，印在衛生紙上
看！效果十分理想呢！
2010年6月21日 星期一
2010年6月19日 星期六
2010年6月18日 星期五
印仔１０２ - 長頸鹿
記唔記得我個新袋袋上面隻長頸鹿呀？
佢地幾可愛吖，所以我都黎雕返隻先．
睇黎唔多需要改喎，好慳材料，比我的手指還要短．
係咁意都應該執一執既
油埋顏色先！咦！乜佢隻眼咁樣衰既？唔係啦，要執返佢．
咁先係架麻，圓碌碌先得人鍾意架麻．
家陣就神氣得多啦，用來蓋T-shirt都好喎！
長頸鹿仔咁得意，忍唔住整多個哥哥陪下佢．
挑戰難度，一於線條整幼ｄ先！
就咁放埋一齊，已經似長頸鹿群啦．
油埋顏色先，睇下佢地幾friend.
我現在宣佈，我已經順利考完ＣＥ啦，明年開學，我就是AL生咯！
2010年6月17日 星期四
印仔１０１ - 小花貓 III
又一隻小花貓，認唔認得佢呢？
唔知你地有冇睇過貓狗寵物街呢？
我就係抄佢架啦
原本我只係想淨油耳仔同花紋架咋．
都幾靚吖
但係油埋個身呢，都係要用深色ｄ好
我得一盒十二色既水溶性木顏色咋，油晒三隻，似乎都係麻麻地咋喎．
下次或者要用水彩才夠鮮艷點了！
2010年6月16日 星期三
韓國有咩手信好買?
大家到韓國旅遊，買手信多是挑紫菜，人蔘糖，尤魚干，巧克力或者小配飾等．恕我講句，熟口熟面，沒多大驚喜．
這款糖果，其貌不揚，可猜到是甚麼材料做的呢？
我初時放上手，按下軟軟的，還是不要試了，定是甜死人沒命賠的！
但始終都有心口寫了一個勇字的同事，甘願身先士卒，率先為大家試味．評語都是正面的，好！又待我試一下．
打開外層包裝紙，還有一塊透明狀的膠紙包著，入面是灰白色有小黑點的糖果．看不懂韓文，是牛奶味的嗎？
Bibi問：其實一張包裝紙已足夠，為甚麼要兩層紙呢？
作為一個經常被小朋友提問的媽媽，當然腦部要急轉彎啦．
我雖然並不知為什麼要用兩層紙，但據我推斷呢：首先，大家要知道外層紙是有印有顏色的，而糖果的製作過程是熱的，好明顯看到這顆糖是在未定型的狀態下用紙包起來的，這片膠紙起著承受較熱溫度，兼阻隔外層包裝紙的影響（顏料沒機會粘到糖上）．作為生產商，少一重包裝紙，成本會下降，若少一張包裝紙不會影響產品質素及外觀的話，人家定會為自己的荷包著想．
Bibi似乎都很滿意我的推論，日後有機會，再找資料研究吧．
將糖放入口中（不要咬），由得它慢慢溶化，乖乖不得了，香噴噴的黑芝麻味，味道好極了！
這可是貨真價實的黑芝麻糖呢，甜度剛好，絕不甜死人，全粒糖溶化後，會有一小堆黑芝麻留在口中呢．感覺健康，好像頭髮都要黑起來了！
認著這張包裝紙，下回到韓國旅遊，帶點新意給親友吧！
2010年6月15日 星期二
賀節禮物 from Joey
我終於都收到一份粘土做既禮物啦！
講出黎都冇人信呀，自己做咗咁多粘土東東俾人，從來都未收過架，仲要係迷你野喎，又唔阻地方，啱晒我心水啦．
睇下，有咸蛋黃同綠豆架，仲可以點豉油添！
呢隻碟直徑3.5ｃｍ，後面果條係我既USB黎．
hee hee，好多謝你呀，Joey!
睇黎，我都應該考慮下，出年學人包下粽俾我ｄ耆英家姐喎．．．．
順便祝下大家龍舟節快樂啦！怕肥既，就唔好食咁多粽啦，係咁意食少少就好收手啦！
印仔一百 － 海闊天空
又一個充滿童趣的閒章，希望大家不要那麼快瞧厭，我還未完全掌握到雕字的要點呢．
有點不明白，為何闊字的活要跑出門外？有水，有小船，啟航了！
海字的字形是怎樣演變出來的呢？難道是兩座山中間，收集了雨水，再流入一個很大的地方，積聚起來而成海？
又一次證明衛生紙是一個不錯的轉印材料．
我最怕一成不變，希望日後做手作都可以海闊天空，想點就點！
2010年6月14日 星期一
印子九十九 - 邊有貓唔食魚架?
我的手稿，是否有點嚇人呢？
草稿只有導向作用，到再描畫，線條自會規矩起來．
既然雕了小貓，又怎可以不添點貓糧呢？
好大的一條魚，真是貓見貓愛呀！
一排排的，做花邊也不錯呢．
我的小貓看到後也忍不住垂涎三尺．
為牠們添點色彩，更加秀色可餐．
你們看！貓咪多高興啊！
訂閱：
文章 (Atom)