Sweet Sweet的感覺 XXXVI - 獻給Winnie媽

仲記唔記得呢ｄ壽桃呢？

我和朱古力有個約會VIII － 另類瑞士三角

如果唔係無啦啦走咗入一間新開既屈人寺，我就唔會買咗百幾蚊野出黎，正所謂無事出街少破財，真係無錯架！

今次掃既貨，包括呢排朱古力．原價十七個幾，家陣十三個幾，有一百克，計落就平既．佢有另一款牛奶朱古力既，但有dark我就梗係揀dark啦．

佢有ｄ似三角嘜既黑朱古力，亦都有杏仁碎同焦糖

來自瑞士，係一隻有歷史既品牌

撕開紙盒，就露出銀色錫紙

除咗第一粒大ｄ之外，粒粒都係細細又崩一角既三角型

橫切面有好多碎碎

以價錢，食味（因為有焦糖，偏甜），同品質計，我俾佢七十分啦！

蝦碌爸爸

爸爸的蝦碌事件簿

第一週

佢第一日開工，係我電話度留言話：「冇野，報平安唧，總算有驚無險啦。」原來佢開車唔記得閂閘，乘客又冇話佢喎。果陣仲好大雨，見到警告燈著咗，佢仲以為係有人打鐘，要下個站落車，到埋站先知自己衰咗。

爸爸一路食飯，一路忍唔住要講佢日間開工既野，我就要佢食完飯先講。佢話今朝爭d唔見咗個背囊，佢係廠度駕車去ｘｘ村巴士總站，跟住落車去站頭報到，返轉頭上車唔見咗個背囊，死啦，連工作證都冇埋，點算呢？唔係第一日返工就咁搞吖麻…？d師兄叫佢冷靜d，睇下自己衫袋先，原來個工作證係心口，但個背囊呢？哈哈！原來個傻佬上錯咗另一架巴士呀。

第二週

洗衣機停咗，爸爸去晾衫，發現件制服上有一撻撻墨跡，原來佢放埋枝原子筆入去洗呀~~~，佢淨識係度問點算，我二話不說，就即刻拎咗件衫去廁所，睇下洗唔洗得甩啦。用牙膏黎處理，基本上都得得地，但擦多兩擦，我對手就唔駛要啦，仲損咗添！後尾爸爸接力，件衫心口果撻已經冇咗，但衫領仲有一個烘。爸爸自己闖禍，就冇聲出啦，我仲咁幫佢，又受傷添，佢都唔敢點出聲啦。災情唔算嚴重，除咗爸爸既制服衫褲，只係一件粉紅色T-shirt、我個扯布環保袋同一兩件衫出事唧。

這就是我因工受傷的手

第二日，爸爸再塗好多牙膏係件衫度，過兩粒鐘先拎件制服去洗，果然得咗咯喎。咁等我都試下個環保袋得唔得先，這是我那歷劫後的環保袋．

好可憐，棉麻產品，洗極都洗唔甩，但爸爸既的確涼衫褲就冇晒墨跡啦．

第三週

太陽猛烈，爸爸學人戴黑超，點知有架私家車泊咗係巴士站，埋站時Hi到人地既倒後鏡，唯有即刻落車同人講唔好意思！但ｄ乘客全部都幫住佢：有冇搞錯呀，你咁搞，人地點埋站呀！

第四週

爸爸蝦碌事件又多一件，四件制服恤衫，其中一件人地俾錯咗女裝佢．唔怪得返屋企試衫果陣，寧寧舍舍有件著起黎細件咗啦！我地初初仲以為係車錯碼，但爸爸話有三件恤衫都夠著，唔肯拎返去換。我話到時你都要交返件衫出黎架喎，咁最後先交件女庄出去，你咪仲樣衰！

但係拖下拖下，搞到人地盤點添，冇得換制服住，直至令行通告為止．

 

蝦碌爸爸

爸爸的蝦碌事件簿

第一週

佢第一日開工，係我電話度留言話：「冇野，報平安唧，總算有驚無險啦。」原來佢開車唔記得閂閘，乘客又冇話佢喎。果陣仲好大雨，見到警告燈著咗，佢仲以為係有人打鐘，要下個站落車，到埋站先知自己衰咗。

爸爸一路食飯，一路忍唔住要講佢日間開工既野，我就要佢食完飯先講。佢話今朝爭d唔見咗個背囊，佢係廠度駕車去ｘｘ村巴士總站，跟住落車去站頭報到，返轉頭上車唔見咗個背囊，死啦，連工作證都冇埋，點算呢？唔係第一日返工就咁搞吖麻…？d師兄叫佢冷靜d，睇下自己衫袋先，原來個工作證係心口，但個背囊呢？哈哈！原來個傻佬上錯咗另一架巴士呀。

第二週

洗衣機停咗，爸爸去晾衫，發現件制服上有一撻撻墨跡，原來佢放埋枝原子筆入去洗呀~~~，佢淨識係度問點算，我二話不說，就即刻拎咗件衫去廁所，睇下洗唔洗得甩啦。用牙膏黎處理，基本上都得得地，但擦多兩擦，我對手就唔駛要啦，仲損咗添！後尾爸爸接力，件衫心口果撻已經冇咗，但衫領仲有一個烘。爸爸自己闖禍，就冇聲出啦，我仲咁幫佢，又受傷添，佢都唔敢點出聲啦。災情唔算嚴重，除咗爸爸既制服衫褲，只係一件粉紅色T-shirt、我個扯布環保袋同一兩件衫出事唧。

這就是我因工受傷的手

第二日，爸爸再塗好多牙膏係件衫度，過兩粒鐘先拎件制服去洗，果然得咗咯喎。咁等我都試下個環保袋得唔得先，這是我那歷劫後的環保袋．

好可憐，棉麻產品，洗極都洗唔甩，但爸爸既的確涼衫褲就冇晒墨跡啦．

第三週

太陽猛烈，爸爸學人戴黑超，點知有架私家車泊咗係巴士站，埋站時Hi到人地既倒後鏡，唯有即刻落車同人講唔好意思！但ｄ乘客全部都幫住佢：有冇搞錯呀，你咁搞，人地點埋站呀！

第四週

爸爸蝦碌事件又多一件，四件制服恤衫，其中一件人地俾錯咗女裝佢．唔怪得返屋企試衫果陣，寧寧舍舍有件著起黎細件咗啦！我地初初仲以為係車錯碼，但爸爸話有三件恤衫都夠著，唔肯拎返去換。我話到時你都要交返件衫出黎架喎，咁最後先交件女庄出去，你咪仲樣衰！

但係拖下拖下，搞到人地盤點添，冇得換制服住，直至令行通告為止．

 

印仔１２１ － 光明磊落

呢輪都係懶呀～～

唔知點解，開咗學都仲係冇乜動力．呢個印仔，畫好九世架啦，但雕咗一個字之後，就放低咗幾個星期．

蔬果展餘韻

蔬果展後，接收了一些來自秘魯的佳麗．

既然它未為顧客帶走，我就不客氣啦！

青露筍，白露筍

要趁它仍然光輝燦爛，要及早處理，爸爸見獵心喜，立即要白灼數條試試味．

其餘的露筍，上半截就留待明天吃．

下半截切粒，灼一下就拎去急凍．

怎知翌日，原本打算用蝦仁木耳來炒的露筍尖，被爸爸一併用來下麵．

加了芝士的豪裝公仔麵．．．．

鮮嫩的露筍就此壯烈犧牲了．

我和朱古力有個約會VII - 有機72

朋友送我這排來自德國的黑朱古力

有機產品，７２％

可以分為２０粒

食一粒，廿三卡，都唔算太肥

味道呢．．．，等我即刻嗒一粒話你知．

唔．．．都ｏｋ既，我俾７３分啦！

點解俾咁少分佢？

佢甘得黎有少少澀，帶有輕輕既酸度，呢樣係我講既，或者大家食果陣唔覺，但我就覺得係啦．

C觀點 － 青年失業因不為鄙事

一向都甚佩服施永青，因為佢年青時都幾另類，可以叫做反叛，又可以叫做思想前衛．

我十分認同他的教育子女理念：無需留太多產業予子女，供他們接受適當的教育，長大後，就可闖出自己的一片天空．所以，他將資產成立基金，作為慈善用途，並作出監管，確保用得其所．

這一篇，是我給Bibi的精選，每次所選的中英文篇章，皆以熒光筆標出重點句子．

我可沒文學根底，對孔子的學說一無所知．但見他引用的一句：余少也賤，故多能鄙事．

當年我修畢秘書課程，剛出來求職時，因沒有工作經驗，亦多次碰壁．後來覓得律師行打字員一職，雖然職級只比信差高一點，收入亦不多，而且晚晚都無償加班，但我始終開開心心幹下去．

做得比人快，學得自然比人多．表面上是最低層次的職員，但自我而後加入的正式秘書，哪一個不是由我訓練她使用文書處理器的？（當年電腦未普及，所以大部份入職的員工，都是不懂使用電腦的．）

自己是否一個有價值的員工，同事間都十分清楚．一個願意跟大家同甘共苦，不計較收穫的員工，自然得到大家的愛護．

大嘴鳥針插

有一天，收到一份郵包．

這是甚麼東東呢？大咀鳥啊．．．難道是．．．傳聞中的．．．

是針插呀！

雖然我甚少拿針線，但放在公司用剛好．

用來做手作工具，一流呀．

可能大家知我少收到十字繡手作，又多一張書籤咯！

超迷你的經書

爸爸逛佛哲書舍，找到了這條電話繩．

比我的手指幼一點，是竹造的，旋開蓋子，內藏一卷楞嚴咒（音"靈驗"）．

經文密集式的印在薄如蟬翼的紙上，若有近視的人，除下眼鏡是可以看得清楚的．

用相機加上放大鏡拍個近照給大家看看，多厲害呢！不敢茂然拆開，怕再卷不起來，放回小竹筒內．

我不是佛教徒，但這麼小巧的東西，真箇可愛呢！

叮一族

這是新上場的即食拉麵，話新唧，都出咗幾個月啦！

打開紙盒子，裏面有一包好似意粉咁彈牙既拉麵及一包調味粉，還附有一隻結實的叉子．

只要拆開包庄，加５０毫升水，在微波爐內加熱一分鐘，再加入調味包，撈勻就成了．

在茶房搞了一回，跟同事一面吃，一面傾談，忘了要拍下製成品．

結論：味道不咸而且自然，吃後沒有口渴感．可惜沒有配料，吃來單調．最好自己添一點點食材，才能成為一份愜意的午餐．

Bibi食評：我最愛加一隻煎蛋，方便快捷的一餐．

印仔１２０ － 給珍珍

我甚少在網上訂貨或郵購物品，早前無意間發現了一些二手粘土工具及迷你配件，雖然大部份我已經擁有，但多一套工具傍身，就更方便日後跟大家一起研究了．所以，我只管詢問該批物品是否已被人捷足先登．

答案是：我晚了一步，物品早已有人洽購了！

後來，原先的洽購者爽約，機會又來到我手中．用了一個超值的價錢，就買了這批東東．

物主知我一向有作義賣，還慷慨地將售價同時捐出，讓我在下一次捐款時一併寄出．

謝謝你對兒童癌病基金的支持，無以為報，就用心為你造一個名字章吧．