紅蘿蔔木瓜煲豬尾

入秋啦，係時候煲返D滋潤既湯水歎下。見到街市有青木瓜賣，八蚊個，整返個先!




沖洗表皮之後，就可以批皮架啦，一路批，一路會有D白色既汁滲出黎架，呢D係好野黎，有益架。



既然之前已經洗過個木瓜咯，家陣可以就咁切開佢，挖走D核。




切成大塊備用，真係估唔到，咁淡色，煲出黎既湯咁甜。



我又落街買到包豬尾，再加D西施骨添，仲唔夠味? 咁又唔駛放咁多肉既，我切走咗好多西施骨既肉作其他用途。

唔知道屋企得返咁少花生添，咁加D雞豆啦。

果皮又係要浸軟刮囊(即內層部份要刮走)

我加多兩條紅蘿蔔同兩粒蜜棗添!

放晒呢D木瓜同紅蘿蔔都滿瀉咁滯，所以我到佢差不多要滾果陣就睇實煲野。

滾起就要畢返起一大湯碗水，先可以放肉入去，再一路煲，一路加返之前畢起既D水入去。

我中途未煲好時都偷飲過黎試味，嘩! 好味到呢...... 唔放鹽都好好味咯。

撈舊木瓜黎食，好甜，好似立時滋養咗咁，認真唔錯呢。