大不良勁愛枝竹，尤其炸枝竹，真是百搭。今回用豬腩片，來點新意思。759正在做特價，$100四包，一包大概有八片。
解凍後，略為沖洗，抹乾水份備用。
炸枝竹先出水去油份，壓乾水份，選一小截卷起作為餡心。外面再以豬腩片卷起，記得要由較瘦的部份做起點開始卷啊! 卷好後開口朝下，排放碟上。
以中小火白鑊煎豬腩卷，開口的一面先煎，再慢慢逐步煎好其餘各面。目的是要把肥油逼出來，所以較肥的一面要盡量向外。
煎熟了就盛起備用。
用現成黑椒醬，加點滾水煮開，放回豬腩卷，讓各面都沾滿醬汁，加蓋煮一會至收汁即成。
因為之前完全沒有調味，所以會嚐到枝竹及肉味，加上外圍的黑椒醬料，味道剛好，又不會太咸。看見咬開後的橫切面嗎?
奉行少肉多菜，一下子就做好一個簡單便當了。
不用擔心餸菜太少，其實..... 白飯下還暗藏了一點點咸蛋呢!
比例上肥肉佔唔少, 不過好在都幾薄, 唔會太肥膩, 我都想試下.
回覆刪除其實條腩肉一定係由瘦漸變去到肥既，所以由瘦肉果邊卷起，去到最尾就係肥肉比例最大既部份，咁煎完就會逼走晒D油，所以唔會好肥既，驚肥就索一索再加汁回鑊煮就得啦。
刪除咁細盒, 我一定唔夠飽
回覆刪除我咁肥，唔駛食飽架啦。
刪除