心相印跟Sanrio聯乘，海怪Hangyodon紙巾，隆重登場！

我其實唔會留意呢樣嘢既，但黑咪係佢粉絲，有次我同佢行街時，佢係度猛搵，話海怪出咗包裝紙巾呀。乜係咩？咁我有次去行Taste，就專登去睇下，嘩！真係有喎。

咁我就順手買咗包返黎啦，十零蚊，買個開心，都幾好吖。

一包入面都有好幾款架喎，咁啱我知我屋苑都有位佳麗係佢粉絲，就放咗一包仔入佢郵箱，同佢開心share啦。

原來入面都有相應既印花架，真係抹個嘴都抹得開心D呀！