一個被囡囡譏為盞搞的業餘手作媽媽，機緣下踏上書籍修復的成長路。 Learning book conservation and restoration step by step, it's a long way to go.
朋友分我小禮物
有型黑色便條紙
連小貼紙
為咗配合呢ｄ黑色便條紙，生產商仲出埋呢ｄ0.9mm彩色筆芯添！
有酒無餚又點得呢？
唔係咁多坊間書局有ｄ咁粗既鉛芯筆賣架，所以人地老公幫老婆搵之餘，都順便益埋我．
爸爸終於都受訓完畢，順利考到牌照，要到工地操作流動式起重機．
先要添置一雙安全鞋
大家可知道怎樣分辨一個橙子是否甜美呢？
通常採收橙子，都會保留一小截的果蒂，防止水份留失．
某食品公司週年大抽獎，買滿$50，可以現場抽獎，永不落空．
比較大份既禮物我都冇興趣，一早就睇中咗呢份安慰獎，仲諗住無論抽到咩，都叫阿姐俾安慰獎我得啦．
係成套既盆栽黎架．
打開個盒就係咁既
入面有一個盆仔，唔好用住，留返黎整麵粉花啦．
一粒泥，成個一蚊咁大既朱古力曲奇呀！要浸水先用得架．
我呢包係百里香
有清楚指示，睇怕都種得出掛？
好怕要捧著重疊疊的書來讀，如非得已，我多會挑比較輕考的書．例如外國的口袋書就最輕便了．
今次我借了一本改編自一個愛爾蘭傳說的故事．hash這個字，我相信是解作傳聞吧．
故事背影約公元９００年，開場已經提到主角Melkorka公主的弟弟，突然被人斬斷一隻手，接著就是她逃亡及被人口販子抓去的故事．
最後被人買走，在不情願下成為人妻，由不甘而轉為妥協的歷程．
我中學時期只讀過一年西史，對外國的歷不大了了，所以對故事中的歷史背景不熟識，反而覺得更有趣．
雀屎整親隻腳，休咗一輪息．
趁住要被逼留在家中既日子，就做ｄ小玩意啦．
多謝你送我青蘋果
佢話見我版面用紅蘋果，所以專登做粒青蘋果襯我喎！
呢隻紫菜，係同事請我食既．
咁佢有咩特別呢？Wasabi味之麻，好特別咩？
誰知道一放入口就立見真章啦！攻鼻到吖，正呀！
熱量低固之然係，但最頂癮都係佢既介紹：
最拉尾果項，叫大家用黎當鬍鬚用黎玩下喎！
呢隻小豬嘜都已經唔係第一次係呢個blog出現架啦，想當年我"印齡"尚淺，手工就認真麻麻啦．
２～～咦，Wasabi味喎．．．
Kit Kat都唔知搞乜，出咗咁多口味．等大家買完一包又一包．
咁無可否認，佢出到呢隻味就真係幾引到人去試既．
俾我食果個朋友話：絕版架啦！
咩絕版呀？雖然係日本出唧，神戶喎，唔係福島喎．
好，等我黎試下味先！
入口，２～～咦，冇乜feel既？再嗒落先有少少Wasabi既感覺，好淡好淡．
老實講，似白朱古力多ｄ咯，有少少呃鬼成份，唔值得買黎試架．
或者有好多人唔知道，係好耐好耐之前，吉百利就已經出咗一款吉吉威化．我當時食，就覺得麻麻，因為中間果層唔係朱古力，係奶油黎既．冇錯，我幾歲人仔，就已經識得鑑定朱古力既好壞．
23/5，爸爸生日，為咗免佢疫，唔駛佢洗碗，咁就出街食啦．
先黎煲老火例湯，最搞笑係我地問侍應今日咩例湯，佢走去問經理，經理就點佢入廚房問．到佢出返黎就報：蘋果煲生魚湯．
