和哈利波特約會後

Bibi終於都抽到時間同我一齊去睇戲，佢話唔想睇3D，因為去過Mega Box睇3D戲見頭暈，有陰影，所以就睇2D．

睇完時間尚早，去圖書館氹返轉先食晏．

呢間匠，算新開架啦，如果食飯麵之類既東東，可以加$18變套餐，可以自選兩款小吃加飲品．

我地點咗：芝麻凍豆腐，因為ｄ醬好味，所以佢都好好味．

日式蒸水蛋，呢款就普通啦．

日式沙律，非常好，個汁又夠醒胃．下次黎我一定會再叫．

味曾湯，一上檯已經俾我地打開過黎影相，竟然等我地食晒野先飲，都仲係幾熱下既，我俾佢一個Good.

我既咖哩豬軟骨撈烏冬：豬軟骨好腍，都好入味，咖哩汁份量都夠撈晒ｄ烏冬，合格．

呢碗係Bibi既帆立貝拉麵（若轉烏冬要加$10），竟然有5-6粒帆立貝，仲幾鮮甜下既．佢選咗豬骨湯底，我都試咗一啖湯，ｏｋ架．下次我會食呢款．

奶茶，我冇試到，但ｄ色水就幾對路既．

凍飲不另收費，唔錯．

呢張單，我俾得心甘情願．

我一定會再黎過既！