呢本係英文書，中文書名叫菜水茶，認真怪雞．
背影相當近代，係講述三個偏遠地方的農村三姊妹，怎樣在城市謀生及工作的故事．
由原始樸素，走進繁華的花花世界，一個在食店幫工，一個在水療中心做事，另一個就在書香茶館做侍應，純潔的心只為在鄉間的母親而努力．
所謂Miss Chopsticks，即係農村人重男輕女，男孩能當棟樑，女孩則如筷子，難當重任．幾個平凡的女孩，各有際遇，雖未出人頭地，但亦令沒有子嗣的父母爭回不少面子．
外藉人士讀此書，會饒有趣味．認識中國國情的香港人，就更能代入書中的角色，看得更投入了．
湊巧的是，當我放了此本書上facebook，原來真有人在找來看呢，還托人到香港買．其實，這可是如假包換的英國出品啊！
個書名係有d怪，不過故事好似幾有趣喎
回覆刪除[版主回覆07/16/2011 14:41:00]都幾好睇, 而且快睇晒, d字算大隻麻!
不過, 我試過借好大隻字既英文書, 適應唔到, 睇到頭暈, 終於放棄. 咁多書好睇, 無謂虐待自己.
"菜水茶" 個名好其怪bor, 呢類書外國人會中意睇~
回覆刪除[版主回覆07/16/2011 14:39:00]其實讀來都好有趣架,尤其我地都知少少大陸開放後既情況, 就更易明書中所指既物事.
我一貼上fb, 就有外國朋友send messages俾我啦, 佢地應該好有興趣睇既.
菜水茶係點譯出黎嘅呢?
回覆刪除[版主回覆07/16/2011 14:37:00]唔係譯架, 指三姊妹所做既行業, 最大果位做小餐店, 但就善長以各種時蔬裝飾店面, 中間果位係水療中心做野, 而小妹就係茶館麻.
個中文名同個英文名真係冇咩關係咁........!!!!! 個中文名仲要好怪.......
回覆刪除[版主回覆07/16/2011 19:37:00]可能呢幾隻字淺d, d鬼易明d掛.
最憎果d重男輕女的傳統思想..男孩能當棟樑?真係唔係好覺得 .
回覆刪除[版主回覆07/16/2011 22:33:00]佢地來自偏遠農村, 教育亦未普及, 所以難免有此思想.
我睇書睇兩三頁就去揾周公喇 ！
回覆刪除[版主回覆07/17/2011 16:36:00]咁你一定唔會失眠啦!