兩年前整過得個頭既小矮人開心（印仔五十八 － 開心小矮人），今次要向難度挑戰，做全身既小矮人．
睇上面幅相就冇乜野，但實在呢，我用咗上次茶葉盒果張環保牛油紙黎畫既，所以，唔係所有筆跡都會轉印到架．
你地睇下，就係咁啦，又要估估下啦．不過，我都慣架啦，唯有小心ｄ啦．
雕到索晒氣，手又軟，臂又酸先叫做雕晒ｄ基本線條．
清理埋現場，都已經做咗幾粒鐘啦．
抹埋面，上墨先！
一時失手，左邊ｄ墨化咗添．
再黎過，唉．．．到右邊未夠色．
再黎過，油埋顏色．我知ｄ色唔多對路，但我果盒只係小朋友既１２色細盒庄既水溶性木顏色黎咋．
今次有冇蝦碌野？我整野冇至奇啦！
我咪話ｄ線矇查查，要估估下咁雕既，就係佢右腳隻鞋咯，唔為意果忽係要連埋既，當摺痕咁分開咗添．
呢個印仔超高難度喎，九曲十八彎，係你自已本人先知有冇蝦碌咋，而我就應為無械可擊呢 。
回覆刪除[版主回覆07/21/2011 09:23:00]整完, 知道佢唔係好完美, 但都好滿足.
幾時雕埋白雪公主！
回覆刪除[版主回覆07/22/2011 08:58:00]我唔係公主迷黎喎, 要整我都情願做黑媽媽既茉莉公主啦.
同埋其餘六個小矮人。
回覆刪除[版主回覆07/22/2011 09:08:00]小矮人入面, 第一個入我眼既係開心, 所以做咗先, 呢個害羞都唔錯, 跟住應該係生氣, 但佢難度高d, 要等我升呢先做到, 糊塗呢, 個樣麻麻, 但我細個果陣都幾鍾意佢既, 博士就多咗副眼鏡, 又要難度高既.乞痴同渴睡, 我唔鍾意佢地喎, 咁冇感情投放到既公仔, 雕起黎冇靈魂架. 所以都幾難集齊啦, 除非我突然覺得佢地順眼既唧.
嘩!咁難都雕到,佩服,犀利呀! 辛苦你.
回覆刪除[版主回覆07/22/2011 11:00:00]如果順順利利既, 辛苦d都冇所謂.
回覆刪除好生動 !! 不如你搵舊大大大 rubber 整哂 7 隻出黎 …..
[版主回覆07/22/2011 11:00:00]要我一次過咁晒料呀? 唔制!
你會做咩其餘嗰幾個小矮人嗎?!
回覆刪除[版主回覆07/22/2011 13:51:00]小矮人入面, 第一個入我眼既係開心, 所以做咗先, 呢個害羞都唔錯, 跟住應該係生氣, 但佢難度高d, 要等我升呢先做到, 糊塗呢, 個樣麻麻, 但我細個果陣都幾鍾意佢既, 博士就多咗副眼鏡, 又係難度高既.乞痴同渴睡, 我唔鍾意佢地喎, 咁冇感情投放到既公仔, 雕起黎冇靈魂架. 所以都幾難集齊啦, 除非我突然覺得佢地順眼既唧.
revised~
回覆刪除你會做 埋 其餘嗰幾個小矮人嗎?!
你呢個嗜好都好考人耐性同專一喎, um, 我都係欣賞你或別人的大作好啲咯
回覆刪除[版主回覆07/22/2011 15:44:00]我? 冇乜大作架咋喎, 得小作咋. 事關我非常慳家架麻!
make 7 of them ~~~ and the snow white too ~
回覆刪除[版主回覆07/22/2011 19:42:00]士撈威? 我都係覺得黑媽媽既茉莉公主順眼d喎!
good, i love the 7 dwarfs!
回覆刪除[版主回覆07/23/2011 07:23:00](Empty)
個忽你唔講都唔知要連埋...
回覆刪除[版主回覆07/23/2011 07:24:00]就係唔講你地都唔知啦, 其實我個個印都有蝦碌架.
好手工
回覆刪除[版主回覆07/23/2011 07:24:00](Empty)
仲有6個小矮人等緊你
回覆刪除[版主回覆07/23/2011 12:18:00]由得佢地等啦, 我唔會咁隨便赴約架!
整得真係好靚
回覆刪除[版主回覆07/25/2011 14:20:00](Empty)