肥薑

嬸嬸又有好野醒我，肥大既薑一舊．

問佢幾多錢，想話俾返佢．

佢話：唔駛啦，唔駛錢架，係我個靚爆鏡既工人姐姐買餸時人地俾架！

美人計．．．．實在太勁啦！

印仔１８３ － Little Twins Star

黎一個真正既twins star印啦．

黄花紅酒醉龍華

沙田龍華，都算係香港人既集體回憶黎．

龍華係1950年開業既，原來佢係現今香港唯一一間，有酒店牌照而又冇提供客房服務既酒店黎．

當年風光時期，都唔係人人住得起龍華大酒店架（最早期租二十蚊一晚，後來升到五六十蚊一晚，連李小龍係度拍戲，都住唔起）．

馳名既乳鴿賣成四蚊一只，亦都唔係人人食得起．事關四蚊已經係一個人一星期既伙食費啦．

我七幾年有幸初嚐佢地既乳鴿，覺得非常美味，燒乳鴿同滷乳鴿都相當出色．後尾大家姐懂得去街市訂購新鮮乳鴿返黎自己煮，就食佢整既得啦！

呢本書除咗講歷來龍華既變遷外，亦載有多款龍華美饌．大家可以試試，變出新花款．

呢度有款金桔蒸魚雲，可以參考一下：

材料：大魚頭一個

醃料：鹽，胡椒粉，生粉，紹酒，生抽各少許

配料：鹹金桔２粒，青紅辣椒粒及蔥粒適量

做法：

１．大魚頭斬件，用醃料醃３０分鐘

２．切碎鹹金桔，與青紅椒粒及魚頭拌勻．

３．大火蒸八分鐘，取出後加蔥及淋上少許生抽即可．

我覺得有疑點，醃魚頭及加入鹹金桔同椒粒去蒸，應該冇問題．但蒸完只加蔥及生抽，冇話加滾油既？我知魚頭會有油滲出，但見佢幅相既樣子，好明顯係連油都唔多滴架喎？

各位觀眾.... 我升呢啦!

我終於都改好晒舊blog既字體大小啦, 睇怕升呢之後，應該唔會走位啦．
未升級既朋友仔，如果留言就要留埋名，我先認得你架．

最緊要健康

近來多咗聽到D親朋戚友話膽固醇超標，又見到有朋友成功地每日食一餐麥片，將膽固醇撥亂反正．

咁等我都試下麥片先！

印仔１８２ － 碎料可以做d乜 - 花

又係用碎料做出黎既印仔

我十歲離婚

諾珠，一個十歲未到的小女孩，來自重男輕女的回教阿拉伯國家．

還未踏入青春期的諾珠，因家境貧困，遭嫁予一個卅十多歲的糟丈夫，過著被性虐待及終日受勞役的生活．

尤幸她以無比勇氣，克服尷尬，獨自到法院求助．終獲法官垂憐及得到一位女律師的幫助，順利離婚，成為全世界年紀最小的離婚者．

這件轟動全球的事件，不單令她獲得"年度風雲女性獎"，亦為所有回教國家的受虐女性樹立榜樣，終於陸續有人鼓起勇氣，為不公平的婚姻作出返抗．

印仔１８１ － Hanachan

午間小聚之公仔包

上星期六, 我地去pri屋企拆屋, 先黎做一個意大利香草包.

大廚出馬, 今次負責最後工序既係芳齡歲半既Momo師父!

廢物利用之 - 給八達通一個舒適的家

又收到一批差ｄ要俾人掟去堆填區既物料，就係呢ｄ原色既帆布啦：

酸鹼度

這是爸爸測試水質的筆

甚麼品牌，我一竅不通

只知道他是憑讀數去決定是否要換水

So far小魚皆龍精虎猛

尤其這款波子魚，

養咗成個月，仲係咁活躍

可能缸內多水藻掛．

印仔１８０ － 史迪仔

史迪仔，今次係第二隻，第一隻送咗俾人．

油膏

台灣特產：醬油膏邊度出名呢？

咁就梗係以西螺出既最有名啦，事關西螺係醬油故鄉黎，當地既水質含礦物質及微量元素，能催動發酵過程．

其中有三大品牌，記住咯喎：佢地就係丸莊，瑞春以及大同．

即刻拎屋企果枝出黎睇下先！

果然係名物喎！爸爸一知道唧，就當佢蠔油咁用，霸住晒，每次食油菜都用黎點食．

減少鹽份，好吖，更健康．

我相信呢樽東東，比起素食蠔油更好味．俾個貼士大家，風味純正既醬油膏，有一隻叫"螺王"既，係將煮熟既黑豆放係竹盆上風乾七日，等佢自然產生麴菌而釀成既，經洗滌加鹽，入甕，封甕，日曝１２０日以上，等ｄ豆豆自然發酵同分解，再壓榨蒸煮而成，深愛老饗追捧架！有幸遇上咯喎，咪整返枝返黎做手信咯．

我地成日煮素食既，又點會冇買素蠔油架？

咁我地都好驚唔知食咗ｄ咩入肚架麻，所以有機以及無添加，兼夾天然釀造咯喎，梗係要捧下場啦．

至於我成日用黎炒上海年糕果枝呢，係最平既，十幾蚊一大枝，點用都唔肉痛．咁一分錢一分貨，成份就梗冇上面果ｄ咁好架啦．但冇人話貴野一定係好野喎！

用黎炒粗炒同年糕，比起用老抽會對味得多．

油膏

台灣特產：醬油膏邊度出名呢？

咁就梗係以西螺出既最有名啦，事關西螺係醬油故鄉黎，當地既水質含礦物質及微量元素，能催動發酵過程．

其中有三大品牌，記住咯喎：佢地就係丸莊，瑞春以及大同．

即刻拎屋企果枝出黎睇下先！

果然係名物喎！爸爸一知道唧，就當佢蠔油咁用，霸住晒，每次食油菜都用黎點食．

減少鹽份，好吖，更健康．

我相信呢樽東東，比起素食蠔油更好味．俾個貼士大家，風味純正既醬油膏，有一隻叫"螺王"既，係將煮熟既黑豆放係竹盆上風乾七日，等佢自然產生麴菌而釀成既，經洗滌加鹽，入甕，封甕，日曝１２０日以上，等ｄ豆豆自然發酵同分解，再壓榨蒸煮而成，深愛老饗追捧架！有幸遇上咯喎，咪整返枝返黎做手信咯．

我地成日煮素食既，又點會冇買素蠔油架？

咁我地都好驚唔知食咗ｄ咩入肚架麻，所以有機以及無添加，兼夾天然釀造咯喎，梗係要捧下場啦．

至於我成日用黎炒上海年糕果枝呢，係最平既，十幾蚊一大枝，點用都唔肉痛．咁一分錢一分貨，成份就梗冇上面果ｄ咁好架啦．但冇人話貴野一定係好野喎！

用黎炒粗炒同年糕，比起用老抽會對味得多．

印仔１７９ － Airmail again

上次做果個Airmail有ｄ弱不禁風，所以再做一個粗壯ｄ既．

The Good Women of China - Hidden Voice

又係Xinran（薛欣然）既作品，今次係講佢早其在大陸國營電台做播音員既時期，為了搜集資料而訪問了各個階層婦女的故事．

大陸當年雖曰推行改革開放，但其實方針仍很保守，上級都怕風煙節目會惹禍．作者不斷爭取，

作者透過訪問不同階層既婦女，揭露中國婦女在家中各種不平既待遇，有慘遭性侵犯而啞忍既例子，有因地震而家破人亡，亦有人因流言誹語而踏上不歸路．

印仔１７８ － XO

係好耐耐以前，我只係叫呢隻東東做XO．佢真名叫"Badtz-Maru"，人地查實係企鵝先生黎架！

我和朱古力有個約會XX - 石榴朱古力

她來自哥斯大黎加，朋友專登留返俾我試既．

石榴朱古力？對我黎講，又真係算新野喎．

外表似Dove鐵罐庄既粒粒朱古力咁大粒．

咬開，入面真係有石榴軟心既．

朱古力夠黑，唔太甜，入面既餡真係有少少磨碎咗既核果種沙沙地既感覺，幾特別．

好唔好味呢？等我去食多粒再講呀嗄～～

今次我成粒啪，唔～～～外層係夠滑既，跟住有硬硬地既一層沙沙，哦原來果ｄ沙沙既感覺就係呢度黎既，跟住最入面就係石榴Jelly，真係feel到鬼佬石榴味架喎，但就係淡淡地既．

咁特別既手信，我俾佢八十分！