印仔１７６ － 花栗鼠 Chip 'n' Dale

我想整Chip 'n' Dale好耐架啦，但咁複雜，都係遲ｄ先啦．

呢幅算唔錯，應該可以整到既．

睇落好似唔差呀可？但我批崩咗一忽呀！邊度？咪眼上面分開兩種色毛果條弧線咯．

見到未？係咪崩咗呀？

嘩！好樣衰，要由頭執到落腳．

整容前　　　　　　　整容後

改好晒，勉強合格．

大家話有冇咩唔妥呢？

油埋顏色，我都唔發覺．．．

唔關ｄ色水事呀，我得盒１２色，係咁上下啦．

印埋紙巾版，都仲以為自己整得唔錯架．

跟住仲印係紙條上，覺得好靚喎．

既然咁滿意咯，繼續整多ｄ咯．．．

用埋靚靚紙．．．．

但係越睇越覺得有ｄ問題，咁邊度有事呢？

你地睇唔睇到有咩唔妥唧？有冇大鼻既fans係度呀？俾個Close up你睇啦：

我就睇到啦，我一路望住佢地．．．．

咦！！！佢地冇理由有面珠登架喎！

唉．．．我都話我做野冇理由唔蝦碌架啦．．．

睇下，應該係咁至啱架！

呢個印係得我有架咋，呢ｄ就係手作既好處啦．

好！現在特別製造三張小書籤，俾真正既Chip 'n' Dale fans．只要你用私人留言，講得出你有幾鍾意大鼻同鋼牙，講得好既三位，就可以得到佢啦！

喂！係真正既粉絲先好要呀！