台灣特產：醬油膏邊度出名呢？
咁就梗係以西螺出既最有名啦，事關西螺係醬油故鄉黎，當地既水質含礦物質及微量元素，能催動發酵過程．
其中有三大品牌，記住咯喎：佢地就係丸莊，瑞春以及大同．
即刻拎屋企果枝出黎睇下先！
果然係名物喎！爸爸一知道唧，就當佢蠔油咁用，霸住晒，每次食油菜都用黎點食．
減少鹽份，好吖，更健康．
我相信呢樽東東，比起素食蠔油更好味．俾個貼士大家，風味純正既醬油膏，有一隻叫"螺王"既，係將煮熟既黑豆放係竹盆上風乾七日，等佢自然產生麴菌而釀成既，經洗滌加鹽，入甕，封甕，日曝１２０日以上，等ｄ豆豆自然發酵同分解，再壓榨蒸煮而成，深愛老饗追捧架！有幸遇上咯喎，咪整返枝返黎做手信咯．
我地成日煮素食既，又點會冇買素蠔油架？
咁我地都好驚唔知食咗ｄ咩入肚架麻，所以有機以及無添加，兼夾天然釀造咯喎，梗係要捧下場啦．
至於我成日用黎炒上海年糕果枝呢，係最平既，十幾蚊一大枝，點用都唔肉痛．咁一分錢一分貨，成份就梗冇上面果ｄ咁好架啦．但冇人話貴野一定係好野喎！
用黎炒粗炒同年糕，比起用老抽會對味得多．
油膏係米同醬油一樣用途 。
回覆刪除[版主回覆08/18/2011 09:05:00]佢好似係蠔油咁杰架, 雖然可以點野食, 但我多數用黎煮餸.
唔同質量既油膏, 味道分別都幾大架, 貴起上黎, 絕對係貴過蠔油既.
我成日都覺得呢D野好多化學品, 尤其係好味到出奇就更加有問題. 所以我只信鹽,糖, 豉油呢D基本野.
回覆刪除蠔油又係騎呢, 如果佢真係由蠔做, 咁大支點會咁平?
[版主回覆08/18/2011 10:50:00]基本調味料, 加上新鮮食材, 煮得好, 已經好夠大家歎架啦.
我這個食素之人, 唔Like 素蠔油, 覺得佢係D化學野, 所以我食真蠔油的 真蠔油一樣化化學學
回覆刪除[版主回覆08/18/2011 15:45:00]黑豆釀造既油膏都唔錯架.
你咁多支蠔油嘅,你唔驚用到發霉呀?
回覆刪除[版主回覆08/19/2011 09:10:00]得一枝係蠔油之麻, 其他唔係架, 我屋企既調味料就梗多啦.
調味劑三個字可圈可點呢...你有冇諗過其實係咩嚟？
回覆刪除[版主回覆08/22/2011 07:50:00]現代人, 好多野避唔到架啦. 反正我地食得少, 有d係百年老字號黎, 如果佢都會食c我既話, 就冇計啦.