Wish Me Mell - Mell 復活兔

有日聽聞姪女話Sanrio既Wish me mell隻兔仔好得意，真係唔多覺眼佢咩樣喎。

上網睇下，哦 ..... 原來係咁款既。橫掂復活節就快到啦，我好快就揀咗呢隻兔仔諗住整啦。

點知一拖再拖，晚晚都唔得閒，終於拖到復活節前最後一個週末先黎搞。

Royce Milk Cocoa

Royce品質一向高，所以我都好樂意嚐嚐。



一盒冇幾多粒架咋

食用期都唔長，呢款就無需冷藏保鮮。

我對牛奶朱古力無偏好

但呢個品牌係值得好好品嚐既

咬開，係軟心朱古力黎，外層朱古力一如以往的幼滑。

餡心混有細小鬆脆糖粒，添了一點食趣。

Superb!

最能夠令人進步既行動，就是多說鼓勵的話。

拾起一塊三尖八角的橡皮，賦予它一個重生的機會。

Ocean Spray 4027 Grapefruit

今日朝早買左一袋八隻橙，三個啤梨，兩隻黃肉西柚。

下午食完飯，搣個西柚試下，皮薄，連衣食都冇渣既，啲纖維仲薄過橙，一啲都唔酸添！我好怕食酸野，我話得唔酸就唔酸啦!

唔夠喉，三個人，食左兩隻，第二個仲甜啲添。食果陣見到有啲大粒核，爭啲想留俾X師奶種下架啦，但唔知佢要幾大棵先可以結果，香港水土亦未必種得出咁好品質，於是就打消咗留種子俾佢既念頭啦。

呢位佳麗唔算大碼，同隻大橙咁上下晒士，可算身型嬌小。至於味道咯喎，可能大家食得紅肉西柚太多啦，D同事仲猛話唔似西柚味，仲話佢似椂柚喎。查實呢，我地細個果陣邊興紅肉西柚架? 我覺得黃皮黃肉先正宗，事關係我既認知入面，能得利果汁橡皮糖入面粒西柚味，就係咁架啦! 我識食糖就已經好熟悉呢隻味道架啦，因為成筒糖入面，我最唔鍾意黃色果粒既!

各位姊妹，呢期康康有售既來自美國Florida 4027西柚，確係唔錯架，見到就買啲食下啦！認住個label 啦，$7.90兩個，下一水未必咁正架！



我專登係屯門既康康巡視下，原來都有喎，再買多四隻歎下先!

環保牙籤

這是爸爸貪新鮮買回來的牙籤，已忘了是在那兒買的了。

Woodstock IV

已經係第四隻胡士托啦!

有點誠意的早餐

樓下的街坊小店，早餐價格雖然比大家樂略貴，但食物處理得較為認真。

我點的雪菜肉絲米、煎蛋、腸仔、油包。



蛋是即煎的，腸仔溫度亦足，放米粉上，整碗湯米立時豐盛起來。難得的是湯底不咸，亦不過淡。雪菜肉絲不是罐頭貨，而且有泡過水才煮。

我最後才吃那份油包，麵包尚算鬆軟，牛油的味道亦正常。

Bibi點的雞扒炒蛋，起碼比大家樂多了一堆茄汁豆。

雞扒的賣相亦佳

奶茶的水準亦不俗，值得再次光顧。

小店不收加一服務費，其實跟快餐店沒有兩樣。優點在有專人送餐，廚房配合得好，出餐亦快。

此外，還有較平宜的選擇，不妨一試。

意想不到的滿意，值八十分!

17/3再次光顧，點了五香肉丁米、腸仔煎蛋，今回的煎蛋就完美了。

這是豬扒紅腸炒蛋餐，朋友覺得豬扒不夠深色，但在我來說，沒有灑麵包糠的煎豬扒最合我意，只要熟透便行。

今次學乖了，要求飲品後上，可以吃飽才歎一杯啊!

水準如一，粉麵熱度十足，只要早餐都要九點才開始，未免太晚呢!

Snoopy III

呢輪冇乜好整，就選隻史露比做印仔啦。

香港花卉展覽 2013

15/3/2013，一心到花展逛逛。雖沒伴同行，反而樂得輕鬆自在。下午二時許才出發，到達會場已過三時半。是日氣候怡人，有點涼意，又有暖暖陽光，甚宜拍照。



先來一點花海，誘誘大家的眼睛。

美女櫻



貓兒面(三色槿)

我最愛的繡球

每次花展都少不了的鬱金香花海




小菊花也得可愛

薰衣草

波斯菊

我最欣賞海洋公園的展區，最富教育意義，花花草草皆種得出色。

醉蝶花

芥蘭頭

大白菜



意想不到的西蘭花

椰菜

菜心

荷蘭豆

薯仔

蕃薯葉

粟米

蕃茄

沒吃午餐，買了兩條香腸醫肚。
 

順道玩玩遊戲

今年主題是綠化社區，各攤位遊戲皆有不同的植物及種子作獎品。這是我領到的文竹種子。

看看參賽的展館，不乏得獎名花。

名種蘭花

矮牽牛

各式賞葉植物

趣味花卉造型

 

我當然要趁機購物，買了有機薯仔、有機西芹、培養土及蘭花肥。

 

用海鹽烚了薯仔

味道十分好呢!



現代孩子五穀不分，各位家長不妨帶孩子去走走，既可讓他們實地認識常見的植物，又可親子，一舉兩得。