皮蛋蠔豉肉碎粥

收咗呢盒迷仔皮蛋，都要諗下點食最好。

佢地係用鵪鶉蛋醃製既

既然咁丁丁粒咯，就用四粒啦!




因為D殼好薄，都好易剝既唧。



切開係咁既

我放咗四隻蠔豉，浸一浸佢。

再切片，咪以為四隻好少呀，佢地足可以令煲粥變得鮮甜架。



我浸咗一杯米

用咗一碗碎肉(自己放少少豉油、糖、鹽撈撈佢，再加少少生粉醃下啦。)

水滾放米、皮蛋、蠔豉同薑片。再滾起就轉中火，煮十五分鐘，再放碎肉，煮多十分鐘，加上蓋轉大火至大滾就收火，俾佢焗半粒鐘，再滾返，加鹽調味就得啦。

咁煮法，都可以裝滿四個飯盒架啦。