Wish Me Mell - Mell 復活兔

有日聽聞姪女話Sanrio既Wish me mell隻兔仔好得意，真係唔多覺眼佢咩樣喎。

上網睇下，哦 ..... 原來係咁款既。橫掂復活節就快到啦，我好快就揀咗呢隻兔仔諗住整啦。

點知一拖再拖，晚晚都唔得閒，終於拖到復活節前最後一個週末先黎搞。



我梗係第一時間雕咗眼耳口鼻先啦，呢D重要部份一禍咗，就唔駛再搞啦。

呢個印真係希望工程黎，佢有齊各款麻煩元素。有幼線，又有斷線。

雕到索晒氣，由早上九點食完早餐，買埋餸返去煲落湯，初初一路聞住菠蘿味一路雕，跟住一路聞住栗子茨實煲豬尾骨湯既味一路整。

連D湯都煲好，飲埋添啦，先雕咗一半。

下晝三點幾啦，先叫做搞成咁咋。

點都要呢日搞好佢架，整埋佢先。

叫做OK啦，係印得衰少少唧。

呢隻阿Mell，著埋復活蛋咁既裝束，夠晒應節。不過若然用黎做生日卡，都未為不可既。