阿波羅

逛超市，多數買哈仔雪糕，偶爾都要食下D字頭果款同牛奶公司既，已經好耐冇食過阿波羅啦。

唔知點解，一聽到阿波羅就諗起希臘神話。記得廿幾卅年前，佢出既二人世界係好HIT架，當年既廣告仲請咗對公公婆婆黎拍，表現恩愛。因為佢係一個甜筒有兩款雪糕既，一邊芒果味，一邊椰子味。我好多時跳完健康舞，就一路由中環行返灣仔，由牛奶公司雪糕站，一路食到金鐘既軟雪糕，再去到灣仔既七仔買枝阿波羅，一路食到返屋企為止。



唔經唔覺，原來佢已經有四十年歷史啦。今次見佢出咗特別版既口味，就捧下場啦。話明有椰子果肉同差不多一半係用椰汁做既，應該幾好食掛?

打開蓋掩，D雪糕係白雪雪既。

真係有果肉架，或者我影得唔清晰，但果D透透地明既粒粒就係架啦。

 

唔會太甜，真係幾足料，清清地。



康康做特價，廿三個幾四杯，喜歡椰子既朋友不妨試下。