榮式雞扒

同家姐返香港仔搵食，佢話想食碗粉既，但一場黎到，就想同佢搵間特別D既食店啦。我地係後街搵到呢間榮式雞扒。

主要都係食拉麵、烏冬同飯既。

唔算吸引，但點都應該比南記魚蛋粉好少少掛?

我要咗雞扒烏冬、爸爸要咗咖喱牛腩飯、我家姐就要咗咖喱牛腩烏冬。加碟春卷，兩杯奶茶同一杯檸蜜，成為$176。

點知，真係去隔離翠華好過啦，呢兜野真係唔多對版。

我塊雞扒，認真乏味夾鞋，所謂烏冬又得幾條係度游水。

春卷OK好食，但好似我隻手指咁幼，幾寸長既兩條，一開二變四條。

我食完就梗係唔多滿足啦，好彩一行出街口就有間傳統麵包店，我一個屈尾十就入咗去，買兩個熱辣辣既朱仔包出黎自隊，好正啊......