Mailing Department既眾位馬省蓆哥哥一向都好幫得手，咁啱呢期東亞卡可以用分換餐券（燒味雙併或者叉燒飯連飲品），用黎慰勞下ｄ兄弟都幾好吖．
就等我渣主意啦，用老闆張信用卡既分去換ｄ返黎啦．
咁請佢地食兩客飯，點都好過請佢地下午茶食件餅既，實際得多啦，你地話係咪？
16/11，冇幾可出荃灣公幹，做完野，帶同事去荃灣廣場間甘味食烏冬．
三個人，兩個燒雞扒烏冬，一個豚肉烏冬
加$8要咗碗蕃茄野菜，$11要咗兩件壽司，一人一杯柚子蜜，成為一百五十幾．
第二日放假係秋田食拉麵，兩人都係雞扒拉麵
加三件壽司
連兩杯熱檸水，成為$63
兩餐除開每人差廿蚊，真係街坊價，冇得比！
係TAMA既網誌（http://hk.myblog.yahoo.com/tamatamatama-blog/article?mid=4158）內見到這個小盒子：
貪玩也來做一個，打印後，用封箱膠紙貼上面，再剪出來
摺疊好，用雙面膠紙粘口
一會兒就做好這個小盒子了
男士們，要取悅女朋友，自製一個小盒子，放入小物，給她一個驚喜，絕對值得架！
唉～～我咁識氹女仔，如果我係男仔就好啦！
一早就有人送咗袋野黎，我眼尾都冇睇過，掛住做第樣野．
冇耐，隔離部門有個姊妹打黎問我係咪都收到架火車頭？
嗄？咩火車頭呀？哦，袋野呀，我未睇喎．
你老闆架！
送俾阿仔既？咁就即係可以係我架啦．不過，我要黎都冇乜用，阻掟！
開咗黎睇，咦！原來只係發行五百架既紀念版黎．
我地呢架係第４７０
仲有張證書架．
連埋呢本紀念刊物
呢架野．．．又唔送得俾ｄ孫喎．．．
係啦，分得俾邊個唧？我唔要架，冇地方擺呀．
咁即係要擺係屋企，或者擺係呢度啦．
係啦，咁我就同你安置佢啦．
於是，我唯有將佢放咗係一棟唔多會郁既文件上啦，叫做冇乜遮擋，一定見到佢啦！
昨日放假一天，約了網友Ann初會．
真係橋啦，Bibi生日果日，就正正係佢既XX結婚週年紀念呀！所以，我就準備咗一個週年紀念蛋糕送俾佢，同埋我既信物，冬菰一斤．
我地先到華都果邊既秋田一人一大碗雞扒拉麵，
加咗$11，要咗三件壽司．
碗麵係連飲品既，埋單都只係$63咋！
佢送俾我既，係．．．．
佢親手做既藍莓芝士蛋糕呀！快快放入雪櫃，等到頸都長埋先等到Bibi放學返黎一齊食．
睇下，個餅底一ｄ都唔厚架．味道呢．．．．．
Bibi食咗幾啖，我問佢仲要唔要，佢即刻失控咁猛點頭呀！
仲好味過我生日果晚，佢去Italian Tomato買俾我果件蛋糕呀！咁我地把嘴有咩辦法唔越黎越尖呀？
真係唔好意思，我用dia dia個既蛋糕，換咗佢咁大大個既蛋糕添！
大家都知我都唔多曉點護膚架啦，佢送我呢枝二合一，可以搽嘴，又可以搽手既，真係方便呀．
唉，如果唔睇ｄ字，我仲以為唇膏同潤膚露係同一樣既野黎添．
好明顯，個蓋係唔同唇膏相連既．
只係呢個波波先係用黎搽嘴架咋．
