真蛋? 假蛋? 有機蛋!

早幾日，天氣有點凍，早上炒蛋俾Bibi做早餐，想話開一盒蛋，放入蛋格．

咦？乜有一只裂咗既，食咗先啦．卜，打唔開既．

等我大力ｄ先．．．．

嗄？乜原來結咗冰呀！

如果唔係我自己親手買，而且知道佢係有機蛋，一定會惹來假蛋疑雲唧！

最衰趕住返工啦，如果唔係，我一定效法開心大發現，將隻蛋破開一半，做呃鬼煎雙蛋唧！

Thank you 媽打 & MTV

多謝信鴿，為我帶來你們的禮物！

噢！媽打，你的新作啊！

內外兼備

乜連信封都咁認真呀？咁靚，唔循環再用就對唔住佢啦！

嘩！乜內藏美女架？

多謝你呀，MTV，小芷蕎真夠可愛啊！

義賣卡 III

又一批新卡誕生啦！家鄉在望啦．．．

用剪出黎既碎料做返框架，效果都唔錯呀，用得唔好晒吖麻，又可以令張卡靚ｄ．閃粉字加郵票貼貼，會唔會係大家杯茶呢？

噢!真係有識貨既人架喎! 多謝晒, 上面兩張又賣咗啦!

狗狗卡加咗真情，真意，真愛，唔記得影添！三個汽球咋，豬仔都昇得起呀！

呢張畢業卡，在我個人黎講，好滿意．唔多覺身邊有呀茂水畢業，所以冇霸住晒．

老實講，手做既卡，有時係會有瑕疵既，所以唯有用Ｄ公仔去掩飾．好阿Q咁同自己講：唔覺既！唔覺既！

有時ｄ人選卡，唔係單單睇花款既，入面既字句都係佢地考慮既因素黎架．

呢只熊仔係我既墨寶黎，交個心俾你啦！

呢張係送俾人結婚既賀卡黎，裏面我加咗"你終於都出嫁了"，咩呀？你又要收歸國有？哦，咁當冇咗啦！

好啦，既然咁搶手，又整多張啦！

新鮮出爐既感謝卡，未做好已經俾人訂咗，送俾醫叔叔喎．

其實市面印中文又唔老土既賀卡比較少，所以我都專登整多ｄ，方便大家．鼓勵卡我都有喎，依家ｄ後生下下都話睇唔開，真係要點醒下佢地架．

下面呢兩張已經由善長領養去了!

祝賀卡其實都係百搭既，而表達心意既卡，亦應該要有，呢朵玫瑰上既牌牌已經預留空間寫收禮人個名架啦．

我的童年回憶 - 獸形餅

來自大家庭，我的童年，總是熱熱鬧鬧的．

除了士多辦館的散庄餅食，嘉頓阿伯都可算是陪伴我一起成長．

當年的熱賣，手指餅，肚臍餅，加拿餅，香蔥雞片及獸形餅今天仍然有售，但老味道的魚仔餅已不復再，而令人回味的脆口果（一厘米小圓粒的餅上有一兩粒芝麻）亦已絕跡，真真令人遺憾．

一般家長，都不抗拒讓小朋友吃吃手指餅，獸形餅．我當然亦是他們的老主顧啦！

每次拆開一包獸形餅，就會不自禁地尋找自己喜歡的動物形狀，雖然每粒味道絕對一樣，但在小孩子心中可不同啊！

如今，人生走過了大半，仍偶爾買一包，在公司和同事分吃，讓大家回味童年的滋味．

問我此餅跟從前有分別嗎？我肯定說有！形狀基本一樣，但線條已不是昔年的幼細，是模具磨蝕了嗎？還是新鑄的模具品質差了呢？

不信？我可是零食專家啊！

看看小鴨子的形狀，便可知端倪了．

義賣卡 II

由於距離一百張的目標仲有好長一段路，所以同志們仍需努力．

老鼠仔用貓大爺個飯兜沖涼喎．．．想平安？梗係同只貓做咗friend定啦！

祝福同思念卡，我比較願意做．

隔離位甚愛這箭豬仔，左睇右睇，終於俾我批准佢買起呢張卡．佢仲話唔駛俾信封佢啦，事關佢唔會捨得用張卡喎！

其實畫圖果位，係任得我點搞ｄ卡架，所以呢只咁yeah既貓，就俾我拎咗黎做母親節卡啦．嗄！你真係留返黎送俾你阿媽呀？

呢隻上緊磅既肥貓，我原本想寫"恩典滿溢"既，但咁搞又好似衰咗ｄ．．．但咁都有人訂喎!

樓上呢隻貓，原本想做生日卡既，但ｄ字用鬼晒，又唔想擺過夜，咪用黎做慰問卡咯．

講友情既卡都幾受歡迎架，可以稱得上係萬用卡．呢張兔兔卡已經名卡有主啦.

有兔仔，又有小雞，想唔做復活卡都唔得啦！

見唔見到我既墨寶呢？呢兩張卡既底紙都係在雜誌上剪落黎既，用黎做框框，都好靚呀．尤其呢張鬱金香花海，我部機影得差唧，實物係靚好多架，而且顏色鮮艷，呢杯雞尾酒剛好用黎遮住ｄ閒雜人等．左邊張老鼠卡又俾人訂埋.

呢ｄ白色粉係隔離位俾我玩既，好似沙咁架．用埋呀Don提供既彩麗皮先．噢! 兩張都俾人要咗啦.

雕咗呢個生日印，真係值回票價呀，我都唔知用佢黎做過幾多張卡啦，下面果張箭豬卡已經收歸國有．

係咁意做兩張嬰兒賀卡啦，賣咗上面果張俾我老闆，咁佢就唔駛出去搵啦，成為十五蚊啦！做善事唧，我冇收貴佢架啦！

原來義賣當日，會安排在主日崇拜後供教友選購，而且數量有限，不打算讓walk-in客購買．

現定價＄１５一張，若大家覺得呢ｄ卡值得買，可考慮安排郵購．如款式已出售，就真係唔好意思啦！

所有收益，將會撥入三月七日義賣活動作一總數．恕不會個別發出收據，請諒！

小小細食會之雀屎家聚

由於原定既日子雀屎要返學校當值，所以係佢屋企搞既小小細食會就要提前舉行．就係咁，原本要參加既人數銳減，得返五個，但呀草話：人少有人少既玩法，咁好啦，照去啦！

我地食完晏仔，就去街市買餸，原本既糯米釀雞翼，因為人數少，Mabel就唔整啦，雀屎亦冇整沙律，我既意粉佢地仲係想食既，所以就照買材料，意粉有啦，蘑菰有啦，肉亦買埋，當我地係街市打算向蕃茄進發時，竟然俾我見到有餃子皮賣，咁我就同大家講，不如轉軚包餃子好過啦．於是即刻買埋菜心，天律大白菜，韭菜同冬菰，就上雀屎家啦．

上到去，先浸冬菰，跟住就開始做橙汁軟糖．佢地預既份量唔足，唯有做半份．驚甜，又減咗糖既份量．

義賣卡 I

雖然我唔係教友，但冇話唔可以做義工既．

應朋友要求，我做了一批簡單的手作卡，給屯門區教會在三月七日作義賣之用．

多謝支持, 左邊既熊仔My Best Wishes己初善長認購了.

呢d係郵票punch整出黎既紙粒，係上年蛋糕聚玩既，依家拎出黎用．

噢！用晒添！快快請ｄ街坊網友捐助先，多謝你呀，小熊！

用上了各式環保紙，看起來也不太差啊！

蓋印做得不好的，用小果片遮遮醜！左邊張遮仔卡都冇咗啦.

怎麼？凸字粉也不夠嗎？Calling, Calling, pri快快送我銀閃！又解決了，好姊妹啊！

朋友善長畫公仔，畫了一些老翻公仔，等我幫佢地化化粧．著孖煙通既肥貓, 俾人領養咗啦!

雜誌紙，舊快佬皮，全都用上．左邊既熊仔卡亦為教會籌到十五個大洋啦.

相當可愛呢！俾同事強搶了.

花巧野，我冇架，所以只可以做簡單款式．但呢兩張卡都即刻俾人要咗.

同事見獵心起，我未交到友人手中，已搶購十張．呢張狗狗Thank you卡係其中一張.

冇Sorry印？不打緊，我會寫自創的棉花糖字體！應同事要求，特別做既遮仔卡，佢梗係買咗啦．

或許大家也有點眼熟，有些顏色紙是大家提供的啊！

可認到是哪個廣告的材料啊？

翌日再努力製造，講明 "眼看手勿動"，仍老實不客氣地搶了兩張去．

因為打算放在教堂義賣，所以做了一些有少少宗教意味的．．．”您”不好嗎？大家堅持要我做這個”祢”字，其實字典上根本就沒有啊！只有”祂”呢！

其實可以再多加一點點裝飾的，但簡單些反而更應景．不要少看內頁這紙條，可花透明粉呢．

叫咗同事咪再多手咯，又籍口話隻粉紅色襯晒佢今日件衫喎，又搶走埋．

整呢ｄ字，搞到一頭煙，剪剪裁裁都要多少時間．

逐張畫，逐張上色，全都是有誠意的製品呢．(肥妹阿媽呀，你認唔認得你ｄ彩虹紙呀？全靠呢ｄ靚紙，即刻賣咗．)

有人問津始終是好事，但只賣十蚊張，真係成本價都搵唔返呀．．．

嗄？目標是１００張！！！我的天啊！真是做到有點氣悶了．