貢品 - 燒菓子

做做下野，有個小朋友（走咗既同事）突然伸個頭黎我個位，我講緊電話，唔得閒理佢．

之後，佢送咗呢盒野俾我，真係唔好意思啦，咁客氣呀？

既然人地都買咗咯，咁我就同大家分享啦．

噢！我都幾鍾意食呢ｄ小吃，唔會太漏，又唔算熱氣．

咪以為銀色最多就唔係好野，佢係冇餡既，最好食．

而綠色果款三角呢，就會冇咁鬆既，我都鍾意食．

脆卜卜架，但又唔會好熱氣，等我每款留一件俾Bibi先．

係架，我有野食一定留返Ｄ俾佢架，唔知佢第日大個會唔會咁對返我呢？佢一向都粗心大意，可能要等個孫出世，先有人識做咯！

粟米當造啦!

我係唔會買罐頭同雪藏粟米既，有新鮮既，又平又靚，做咩唔食喎？

據報載：粟米越放得耐，佢既糖粉就會自動轉化做澱粉．所以，都係盡早處置好ｄ．

家陣街市十蚊五條，我唔會貪大，細條ｄ反而嫩ｄ，仲好食．超市果ｄ唔靚既，又貴咁多，梗係唔買啦！

剝咗三條粟米粒出黎，用保鮮袋入起佢，放入冰格，就隨時都可以拎黎用啦．用少少水煮一兩分鐘就食得，點都好味過罐頭貨．

呢兩條，我趁煲緊花生雞腳木瓜湯，掉埋入去煮一陣，撈返出黎，就食得啦．

正！

印仔１２７ － 小青蛙

小青蛙，善長做蛋糕，雖然我尚未有機會一嚐她的手藝，但對她的成品風聞已久．

走過死蔭的樹下

蝴蝶村圖書館遷址後, 也沒機會到訪. 碰巧買菜後路過, 便順道看看. 地方比從前寬敞, 添了許多新書.

發現了這本書, 早便想看了.

大家或者對赤柱塌樹事年還有點印象, 這是受害人的姐姐所著的. 身為精神科醫生, 今回可要向同袍尋求協助, 開解一下自己啦.

一向萬千寵愛的妹妹飛來橫禍, 家人一下子實在難以適應, 尤其身為一家之主的老爸, 傷得尤深.

我眼淺, 這少女大好年華, 活潑可愛, 就此和家人永訣, 在車上看到第二章, 就差點忍不住了..... 還是留在家中看會比較適合.

為免情緒太波動, 晚上一口氣極速看完.

我相信, 讀罷此書, 對喪親人士的心理治療會有幫助. 因為它的佈局確是可以將讀者的情緒牽動, 引領大家的心情, 一路轉歸平復.

作者能夠坦然面對事件, 並擔起一切後事安排, 兼顧父母的心靈健康, 有女若此, 乎復何求.

有機蘋果

這個蘋果，其貌不揚

全身散發誘人香氣，這可是我兒時吃蘋果會嗅到的氣味．從前家中放一籃蘋果，就可以滿室芬芳，如今的小朋友可沒我等幸福呢．

看清楚，它來自紐西蘭，有機種植的富士果

雖然個子比較細，但勝在清甜可口

認真的清洗過，咬一口，看到嗎，皮是多麼的薄

十多元一個，但物有所值．

印仔１２６ － 濃情蜜意

身邊咁多好妹妹，漸漸一個二個都大啦，拍拖既拍拖，嫁人既嫁人，一ｄ溫馨字句，都好適合送俾蜜運中或者已婚人士．

呢幾隻字都係突然flash咁出現係我腦海度，所以先寫出黎既唧．唔記得影相，已經動手雕了．

日式咖哩飯

Bibi要去補習，會夜ｄ先返，要留飯俾佢，煮呢味就最啱啦！

佢唔食得辣，所以要用呢款甜甜地既日式咖哩．咦，個盒印錯喎，係八人份既，唔係十人份（10皿分）．

日式咖哩

原來屋企冇晒咖哩磚啦！最近果間十蚊店又冇咗，咁點呢？

呵呵．．．吉之島超市做緊呢款調味磚特價呀！

$16.9一盒，但份量多過十蚊店既$12一盒既．計起上黎，相同份量都只係十個零幾唧．好！買！

我覺得咖哩都係辣辣地好食ｄ，但Bibi就唔係咁頂得順．

所以我唯有都執埋甜味架啦

咦，呢個牌子都有白汁喎．好，買埋佢．

唔知好唔好味，都係唔好買太多．

點知國慶日煮過，幾ｏｋ喎．再去買過，一樣咁既價錢，仲再九五折添，抵上加抵呀！

重九購物狂

重陽節，六點就醒了．在床上看了一句鐘哈利波特，就起床煮齋菜到將軍澳祭祖．

完事後，兵分三路：爸爸上班，Bibi去補習，我就獨個兒逛吉之島．

整個早上只喝過奶茶，吃了點橙及梨子，渴得緊，四處蹓躂，在北海渡食品節的檔子買了這罐飲料（$8.9）．

其實當時只見有很多款口味：檸檬，西柚，提子，青檸，青梅．．．．，一心只想要白桃味，沒看真就取了一罐付款．

還未踏出有關範圍，已經急不及待，取紙巾抹一下罐口就喝了．

咦～～～～味有蹊蹺．．．．

原來是果子酒來的！

雖然沒有冷藏，但相當可口，相信冷藏後，在吃火鍋時一起享用，定必合適．

是日選了這款大嘴鳥巧克力，黑白巧克力二合一加脆米，算是新款的了，比舊版的貴三毛錢（$5.2），我當然要買給Bibi試試啦！

到超市看看，買了堆肥種植的翠肉瓜($9.9)

特大雞蛋($19.9)

$8.5兩包的火鍋豆腐，它勝在本港製造！

米線及拉麵（$18.9兩包）

Bibi的至愛伊麵@$9.9

超值價乳酪$30三排，共12杯，來自德國，最大好處是不用冷藏，方便食用．

不容錯過的有機雞心豆，煲素湯的首選材料，烹調出來的湯水，香氣怡人．$18一包，實在平宜．

大盒庄忌廉磚及咖哩磚仍賣$16.9，再買送人！小盒庄的這個品牌只賣$8.9，我一向只取不辣的甜味來做菜給Bibi吃，但今次就買一盒辣味的試試．

藍鑽石杏仁，$25.9十包，就當是爸爸的小吃，間中吃吃無妨．

購物滿百五元，可換購週年紀念貨品，我選了電池．數數看有多少？

前面18+2，後面另附四粒加迷你輕便袋．

可以信賴的品牌，24粒才三十塊，真夠超值．

買得不亦樂乎．．．．孤身上路時，才知事態嚴重啊！

脆脆蛋卷

呢款蛋卷，來自印尼．我在屈人寺發現佢既芳蹤．

咁啱係屋企樓下開咗一間，咁就梗係要入去巡下架啦．原本都買完野走架啦，又撞到ｄ街坊師奶食過返尋味，再入黎掃貨喎．咁我梗係唔執輸，整返罐啦！

$12.9咋！有400g，我買果陣已經得返最後六罐朱古力味，買唔到咖啡味添．

真係咪話唔抵呀，一盒百力枝都要返咁上下錢啦，咁大罐蛋卷喎，而且佢唔會一味死甜．

朱古力忌廉又唔差，用黎送咖啡就啱晒啦．

開咗之後，原來真係密質質咁排到滿晒架．

只係個蓋太鬆，食唔晒要用膠紙貼返好佢至得．

ｄ人問我有幾粗喎，咪好似我既手指尾咁粗咯．角度問題唧，我ｄ手指冇咁短既．

食果陣真係要小心，我試過拎咗一條出黎，中間斷開咗，跌咗一忽落地，搞到一地都係碎片添！

第二日去其他屈人寺睇下，咦～，要$19.9呀！

印仔１２５ - 邪惡Melody: くろみ

或許大家看文字章看多了, 會生厭. 所以, 就趁就黎萬聖節, 雕個邪惡Melody給大家看看.

我和朱古力有個約會XI - 朱古力脆片

呢款脆片，三億五千萬年前食過，耐到記唔起．同事話佢好味，咁我又放入購物籃，拆開黎食，先喚回塵封既記憶．．．

得５７％架咋，唔算dark．佢有薄荷，榛子，橙同一般焦糖牛奶朱古力味．

$19.9一盒，125g，中價啦．

好似薯片咁形，唔駛一蚊片，叫做俾大家體驗下咯．

因為中間混咗脆米碎，所以先會脆卜卜．