貢品 - 燒菓子

做做下野，有個小朋友（走咗既同事）突然伸個頭黎我個位，我講緊電話，唔得閒理佢．

之後，佢送咗呢盒野俾我，真係唔好意思啦，咁客氣呀？

既然人地都買咗咯，咁我就同大家分享啦．

噢！我都幾鍾意食呢ｄ小吃，唔會太漏，又唔算熱氣．

咪以為銀色最多就唔係好野，佢係冇餡既，最好食．

而綠色果款三角呢，就會冇咁鬆既，我都鍾意食．

脆卜卜架，但又唔會好熱氣，等我每款留一件俾Bibi先．

係架，我有野食一定留返Ｄ俾佢架，唔知佢第日大個會唔會咁對返我呢？佢一向都粗心大意，可能要等個孫出世，先有人識做咯！