爸爸返夜的日子，就唔駛留飯俾佢啦．初初又叫我唔好煮飯，但原來佢當更果陣，成日放五點食飯，得下午茶餐食，出門口之前又想食返飯咯喎．
於是唯有自己走去炒冷飯啦，素食之選，薑蛋炒飯．
炒完出黎，又貪心，放多塊芝士係面，睇住塊芝士溶咗既樣，似乎都幾好味咁喎．
咁佢都要有額外既營養既，偶爾飲下奶，食下芝士都無可厚非既，鬼叫佢係全家最纖型果個咩！
佢要我同佢出post，影俾大家睇下佢果兜爸爸炒飯，梗係要有條件啦，就係要玩過呢個遊戲啦．
咁大隻腳趾公，成隻雞蛋咁！
點知畫到中間果陣又跣筆喎，差ｄ毀容呀！
係都要人影多幾張，大家睇咗你ｄ腳趾，實倒晒胃口都得啦，咁又慳返餐啦喂！
沒有留言:
張貼留言