脆脆蛋卷

呢款蛋卷，來自印尼．我在屈人寺發現佢既芳蹤．

咁啱係屋企樓下開咗一間，咁就梗係要入去巡下架啦．原本都買完野走架啦，又撞到ｄ街坊師奶食過返尋味，再入黎掃貨喎．咁我梗係唔執輸，整返罐啦！

$12.9咋！有400g，我買果陣已經得返最後六罐朱古力味，買唔到咖啡味添．

真係咪話唔抵呀，一盒百力枝都要返咁上下錢啦，咁大罐蛋卷喎，而且佢唔會一味死甜．

朱古力忌廉又唔差，用黎送咖啡就啱晒啦．

開咗之後，原來真係密質質咁排到滿晒架．

只係個蓋太鬆，食唔晒要用膠紙貼返好佢至得．

ｄ人問我有幾粗喎，咪好似我既手指尾咁粗咯．角度問題唧，我ｄ手指冇咁短既．

食果陣真係要小心，我試過拎咗一條出黎，中間斷開咗，跌咗一忽落地，搞到一地都係碎片添！

第二日去其他屈人寺睇下，咦～，要$19.9呀！