粟米當造啦!

我係唔會買罐頭同雪藏粟米既，有新鮮既，又平又靚，做咩唔食喎？

據報載：粟米越放得耐，佢既糖粉就會自動轉化做澱粉．所以，都係盡早處置好ｄ．

家陣街市十蚊五條，我唔會貪大，細條ｄ反而嫩ｄ，仲好食．超市果ｄ唔靚既，又貴咁多，梗係唔買啦！

剝咗三條粟米粒出黎，用保鮮袋入起佢，放入冰格，就隨時都可以拎黎用啦．用少少水煮一兩分鐘就食得，點都好味過罐頭貨．

呢兩條，我趁煲緊花生雞腳木瓜湯，掉埋入去煮一陣，撈返出黎，就食得啦．

正！