人懶係冇葯醫架，但只要ｄ工具隨手可及，就點都會間中整下既．
今次又來篆刻章，其實我最不願做就係起稿，所以每次都只係刻簡單的章
為咗唔好浪費印台既墨，我其實只會蓋一兩次架咋．咁點先可以知道個印刻成點呢？
我會用寶貼萬用膠黎拓印，睇下有冇地方要執一執
拿，都睇得幾清楚架
呢個字肥咗，係因為我拎起舊膠時搞到佢咁唧
同一時間，又可以同個印仔抹埋面，都咪話唔方便
如果唔係驚食瓜人呀．．．用黎做餅模都得呀！
放到咁大，我自己都睇唔慣呀，睇下ｄ手指就知個印幾咁慳皮啦．呢隻深紅色叫Cardinal，即係樞機主教件衫果隻紅色，印出黎真係幾靚下，好適合用黎蓋篆刻章．
第一次試印，麻麻地啦，但咁反而似真既印章喎．第日有心情先執啦，唔執都可以出街架啦．
拿，唔好放咁大，已經唔係好覺佢既瑕疵啦
呢個係股票版
如果你地睇返實物，即係上面幅圖細一半再細少少，咁就會覺得佢好靚架啦．
沒有留言:
張貼留言