日式咖哩飯

Bibi要去補習，會夜ｄ先返，要留飯俾佢，煮呢味就最啱啦！

佢唔食得辣，所以要用呢款甜甜地既日式咖哩．咦，個盒印錯喎，係八人份既，唔係十人份（10皿分）．

材料有薯仔，切粒

節瓜？咩唧，雪櫃係得呢樣啦麻！切粒．

肉碎，調咗味，用少少油同薑片爆下．

炒散佢，爆到咁上下熟，就裝起佢．

剷起咗肉碎之後，就掉埋ｄ節瓜入去，唔駛再加油架啦，得架啦．

跟住加薯粒，兜幾下

加水

跟住去拆開盒咖哩磚，因為係大盒庄，

入面係分成兩份既，每一兜可以分成四粒，開咗就應該放入雪櫃架啦．所以，大家應該先隔住個兜，屈開晒佢先，咁就算雪硬咗，都可以逐粒拎出黎用．

我呢一次煮既材料，係可以分三份架啦，但係放兩磚就夠啦．

煮溶咗之後，就係咁架啦．ｄ色肉酸？我冇用閃光燈丫麻．

煮到薯仔同節瓜淋晒，就可以掉埋ｄ肉入去，煮一陣．

打返少少獻，就可以上碟架啦．

嗄？唔駛調味咩？係呀，呢款調味磚已經有埋味道架啦，如果大家唔係煮得太多汁既話，就剛剛好既．但係，你地都可以自己試下味先既．

食素既朋友，可以放素雞粒，就好似呢盒俾爸爸既，咁煮都好好味架．