Bibi的公公著底衫好有要求，一定要著貴價線衫，一般綿質料？我自懂事以來，未見過佢著過喎．
可能家陣爸爸有返咁上下年紀啦，開始識欣賞，雞仔嘜就成為佢既心頭好．
原來線衫都有分級數架，尤以呢款金蜆牌價錢高一線($170一件)，質料較好．就算出過汗，隔一會又變得一身爽．
唔睇返包裝，我都唔記得佢係震歐線衫廠出品咯．我從前會在專賣毛巾的店子，選上海線巾給老爸洗臉，三十多年前也要賣十多廿元一條洗面巾呢！
未到冬天，羊毛內衣有八折，順道給爸爸挑一件．
這一款比較薄，穿在身上也不覺，可讓爸爸扮英勇巨人，等人地以為佢唔怕凍．
三件產品已經六百多元，買滿五百元有五十元送，可以即時用來買襪子或內褲．這一款要六十八元，補回十八元便可．
五十多年的老店，想改變形象，走年輕化路線
無奈所托非人，就算出埋T，設計都仍是那麼老餅．嬸嬸說：這麼土氣，我這麼老的女人也不要著啦！
賣點應該係品質好，為何不主力賣優質內衣呢？
意外地發現，竟有嬰兒用品出售，質料上乘，而且款式亦不錯，用來送禮，實而不華．可惜店東不懂招徠，白白放走這一條客路．
著白恤衫的男士要注意啦，唔著底衫，白恤衫不會夠瞄頭，要靚既話，用背心打底是不夠好的．
這個品牌有膊頭較闊的無袖款式男裝內衣，用來打底，穿起淺色恤衫，就顯得神氣多了．而且出汗後又不會撻著背脊，絕對是物有所值的貼身用品．
沒有留言:
張貼留言