印仔１４３ － 大吉大利/龍馬精神

呢個其實係我試做既第一個揮春印黎

制水的後果

記唔記得舊年有個國際蔬果展呀？

我咪拎咗ｄ露筍返去歎既，我個同事呢，仲有要埋迷你三色椒呀！佢食完，仲拎返ｄ種子睇下種唔種到添．

過咗一牌，真係長咗好多幼苗出黎喎！

幾個月啦，佢地長黎長去都係好細棵，都冇乜點理佢地咯．

點知咁啱同事放咗幾日假，又冇交帶人幫佢地淋水喎，制咗幾日水之後，返黎，好多葉都甩咗呀．

你地睇下：見唔見到呀？好似．．．．有花蕾喎！

佢衰多手，呢棵連最後一塊葉都甩埋．等我影低佢既罪證先！

搞到人地衣不蔽體，仲點肯生吖？一於瓜俾佢睇．

不過，大家放心啦，其餘既都好似有花蕾喎．

有理冇理，我已經訂定一粒架啦！

原來咁鬼矮就出花啦喎，認真慳位呀．

朱古力體驗班

上次食飯，show me話有個朱古力團購班，問大家有冇興趣，於是我就去試下啦．

南豐中心，我識路喎！真係冇乜幾可架．

印仔１４２ － 身壯力健

我有咁多耆英家姐同大佬，吉利說話就一定唔少得呢句啦．

紅豆餅

數月前，被這包餅吸引，佢仲有一款抹茶味既，但二選一，都係紅豆吸引ｄ．

獨立包庄

咬一口，好失望．．．．

冇乜紅豆應有既香氣，偏油，唔係我杯茶！

腐竹條

仲記唔記得呢包係工展買既腐竹條呢？

一枝枝既，好似斷咗既金大枝咁．

我實在太厲害啦，打完邊爐先記得有包咁野．

都照拆出黎做下實驗啦，一放入滾水度，佢就會攤開架啦．冇咩特別味道，甜甜地咁啦．

我後來試下係煮娃娃菜同菰仔既時候，加ｄ落去煮．都ｏｋ喎，等ｄ菜淋晒，臨收水先放佢入去，好快就索到汁，煮軟就食得．

印仔１４１ － 百無禁忌

就黎過年啦，一年四季，無論何時何地，有咩好得過呢句吖，真係百搭．

大白菜湯

落晒野先醒起：咦，呢款湯都可以俾Bibi參考下．

咁好啦，冇相你就自己想像下啦．

材料：蜜棗２－３粒(點解唔講實? 蜜棗都有大有細架麻!)

印仔１４０ － 李淑芬

這個名字章是送給我那在外國生活的姐姐的．

早前她已預支了聖誕禮物，托我雕了一個閒章．

在學習書畫的她，名字章總會用得著．

嘩！乜咁睇得起我？

呢個係早前收到既郵包，漲卜卜既？

大都應該知係乜啦．．．

真係合我心意呀！我就係想要ｄ咁低調既布呀！

咦，有ｄ沙紙既？要黎打磨口金架？

原來仲有ｄ卜卜紙包住其他野架．

等我拆開先．．．

啊！係舊石頭黎！

仲有呢套上方寶劍．．．．

咪見我刻擦膠刻得咁過癮，就以我我好掂至得架．．．我．．．．真係渣雞都冇力架！

至於口金既做法呢，好彩已經有人提供咗啦，等我搵日的起心肝，就開工啦！

不過．．．．一於要擇過年架啦！

本地漁農美食迎春嘉年華 Farmfest 2011

呢牌星期六我都唔駛返，所以就同爸爸去花墟公園行下漁農展啦．

先去瑞士咖啡室食個早餐，我既鮮茄火腿通．

雖然味道一般，但確實有好多茄蓉．

個餐係跟煎雙蛋同油包既，原來油包係多士黎．

爸爸既雪菜肉絲米

杯奶茶就算滑啦．一個早餐廿三個大洋．

估唔到今年咁多有機作物既攤檔喎！以前都只係一半一半架咋．

菜心有花，有咩特別呢？睇真ｄ！

城市難見既蜜蜂呀！

即食紫菜，十蚊包，兩包仲送魷魚絲，我有買．紫菜本身冇乜調味既，爸爸拎咗ｄ黎淥公仔麵，真係唔錯喎～

見唔見呀？我其中一樣童年回憶：老鼠斑咸魚呀！Bibi，我冇呃你地架，真係有架．所以今次我都有買返舊黎試下，唔知味道點呢？咁一定唔及我當年姨公自己生曬黎送俾公公果條啦，佢真係出海打返黎架喎．

呢ｄ展品蔬菜係真野黎架，但就十足十假野一樣．

睇下ｄ彩椒同南瓜，真係靚到極．

各式生菜

仲有薰衣草添

我覺得自己好鬼叻呀，竟然係咁多遊人既情況下影ｄ相出黎，好似冇乜人行咁．

話明漁農展咯，又點少得鮮魚吖？

仲有現場節目欣賞架，我就坐低睇咗小朋友跳一隻舞啦．做咩唔影，我飲緊湯冇手麻，杯湯好ｃ熱架．

順便買咗杯龍躉南瓜湯，正呀！廿蚊杯，值！唔係咁少既，我飲飲下先影咋，佢係只俾淨湯你既，冇用其他材料充數架．

轉個頭賣晒，影ｄ湯渣你地睇下．咪以為好細呀，呢個盆幾尺直徑架，咁你可以想像到條魚有幾大啦．

食咗有機超甜粟，十蚊枝．食完一枝番尋味，行返去又買多枝先走．

松記出名芒果腸粉，但我冇試．買咗十蚊兩碗既豆腐花．

白花菰都唔錯，買咗盒，九十蚊．

本地有機菊，廿蚊．

驅蚊草($20)，薰衣草($15)，呢款薰衣草係用黎鍊油果隻黎，同上面果ｄ有好多花既唔同架．

有機薑，呢度廿四蚊．有機薑一向都好un豬既，但薑味會濃ｄ．

我仲買埋即食海蜇，Bibi鍾意麻．五十蚊三包既有機蘑菰，一套午餐肉同兩包豆皮結．加埋用咗四百幾蚊．