制水的後果

記唔記得舊年有個國際蔬果展呀？

我咪拎咗ｄ露筍返去歎既，我個同事呢，仲有要埋迷你三色椒呀！佢食完，仲拎返ｄ種子睇下種唔種到添．

過咗一牌，真係長咗好多幼苗出黎喎！

幾個月啦，佢地長黎長去都係好細棵，都冇乜點理佢地咯．

點知咁啱同事放咗幾日假，又冇交帶人幫佢地淋水喎，制咗幾日水之後，返黎，好多葉都甩咗呀．

你地睇下：見唔見到呀？好似．．．．有花蕾喎！

佢衰多手，呢棵連最後一塊葉都甩埋．等我影低佢既罪證先！

搞到人地衣不蔽體，仲點肯生吖？一於瓜俾佢睇．

不過，大家放心啦，其餘既都好似有花蕾喎．

有理冇理，我已經訂定一粒架啦！

原來咁鬼矮就出花啦喎，認真慳位呀．