我冇聽開粵曲既，亦對呢方面冇乜研究．就算係後生果陣，對ｄ演唱會都唔熱衷，只係同ｄ同事湊湊興睇過幾次咁大把．
唱K咩，咪搞，實在唔係我果杯茶，所以我一聽到大家話blog聚係唱K既話，我一定唔參加既．
今次，我竟然自動獻出我既第一次，黎到新光戲院，觀賞粵劇金曲（我希望我真係識欣賞啦）．
無他既，呢晚Bibi既契媽有份表演，我點都要捧佢一次場掛？
雖然年近歲晚，花店好唔得閒，我都專誠請人幫我準備了一束鮮花，打算到時送俾佢，等佢開心下．
其實束花好重架，拎到我手軟．
我係度自拍，又要拎手袋，好唔方便．
只可以影到局部，後尾入場坐低咗，先影到．
原來佢地中有係呢度開鑼鼓，梗係賀歲劇啦．
現場有幅好大既契媽玉照，等我又影低佢先．
原本既拍檔要去第二度表演，係演藝學院搵咗個大陸落黎既寄讀生頂檔．
哥哥仔好細個架咋．
仲細過Ivan哥哥
我醒呀，走咗去後台，等契媽一唱完曲，就花啦！
我有冇洽眼訓？冇，因為對戲曲沒有基本認識，自然要追住字幕做人啦．第一首曲係白蛇傳入面既故事黎，我係度同從前睇過既粵語殘片內容對照，反而覺得幾得意喎．
始終，我都係唔識欣賞架啦，下次都係咪晒人地張飛啦．
沒有留言:
張貼留言