今回blog聚，選了吃泰國菜．
這是我第三次踏足荃灣廣場，應該不會再迷路了．
今次出席的有大家姐，眾人媽打，如月，玻璃人&琳琳，show me及Huey媽＋囝囝
食物相由御用攝如月提供:
我地點咗清清甜甜既柚子沙律
冬蔭功湯,好keng下,飲完返去舌底起咗粒野,好彩第二朝冇咗唧.
燒豬頸肉
明爐烏頭
逆時針方向：四式併盆（蝦餅最正，第日可以淨叫蝦餅），粉絲雜菜煲，炒椰菜苗，肉碎芋頭飯
蛋網海鮮炒金邊粉
原來底部好多材料架，但大家只吃了面層的就喊飽了．
食到咁上下，就切蛋糕啦．如月為兩大家姐同Huey仔做的蛋糕．
我已經好飽，唔駛食咁大件啦．
好彩，切餅時，侍應冇收檯咋，我發現全程掛住玩唔肯食野既小朋友，係大家埋晒單起晒錨果陣，拎起對筷子夾菜食喎．即刻叫人打包ｄ飯同金邊粉俾佢返去再食過．
好多謝Show Me送大家朱古力
就係上次Bibi話好好味果款呀！
今次幾大都整粒先！點解係現場有得食？多謝琳琳咯！開心快活人甩底，多咗一包朱古力，就俾咗琳琳，佢好大方請我地食．外面dark，入面係軟心架．
啱啱食咗盒原味松露，今日又收到大家姐醒我既香檳松露．
Huey媽"為爸爸整"既(佢覺得係佢既)"素雞脾"，我一返到去佢就食咗一隻啦．
至於我呢，也有為大家預備伴手禮．
這麼多高手在此，豈敢班門弄斧呢？唯有做我比較有信心的橡皮章吧．
快要過年了，就為大家添點福氣，用來蓋印小小禮物卡，也十分適合呢．
一於等大家繼續造福人群啦！
備有少量印章作義賣之用，若然大家有興趣支持康齡中心義賣活動，幫下ｄ長者既話，可到下列連結訂購：
http://hk.myblog.yahoo.com/ip_mandy/article?mid=3869
一年一度康齡中心義賣訂於以下時間在中心舉行：
4/1 - 8/1 上午9：30-12：00 下午2：00-4：00
10/1-15/1上午9：30-12：00 下午2：00-4：00
籌得款項資助長者活動經費。
沒有留言:
張貼留言