煮野又唔需要下下靠調味磚既，不如今次學下用基本調味料吖拿．
材料有：超甜粟粒，蕃茄切件
螺絲粉（用通粉或意粉都得架），咁就梗係要發好先啦．
調好味既肉碎，炒到半熟．
掉晒ｄ粟米同蕃茄入去（認唔認得隻鑊呀？）
兜勻，加碗半至兩飯碗水，視乎你想要幾多汁啦．（標準八安士碗）
因為新鮮蕃茄煮起會有酸味，平衡一下，可以放ｄ糖，我就放咗一包黃糖．
兜勻佢（唔用閃光燈，點補光都係顏色暗啞）
滾起咯喎，煮多一陣，確保ｄ肉熟透同蕃茄煮出味，加ｄ鹽調味
打個生粉（鷹粟粉）獻，等佢杰身少少，如果想吊起個汁既鮮味，記唔記得可以點做呀？係啦，加ｄｄ多生抽啦！
嘩！你睇，用咗閃光燈，ｄ色爭幾遠！
倒埋ｄ螺絲粉入去，兜炒，炒到粉熱透（見唔見有蕃茄皮呢？自己食，唔好貪靚唔要ｄ皮呀，蕃茄皮有茄紅素，好有益架．如果為咗美觀，一早掉咗，就浪費啦．）
咁就可以食架啦！
其實如果放大量蕃茄，個汁已經好夠味，只要用糖同鹽調味，就可以色香味美架啦．
沒有留言:
張貼留言