蕉

屋企出現得最多既水果係蕉，因為兩父女都比較懶，食蕉最方便．

但好多時都擺到起晒梅花點，食唔切．

話就話有梅花點既蕉有益ｄ，單睇佢個款，我就有ｄ驚啦．點知，搣開ｄ皮，見塊皮已經好薄，入面係完美無瑕既．

咬一啖，都唔差喎，咁就食咗佢啦．

其實香蕉係有舒緩情緒既作用既，又有營養，做完運動食就最啱啦．

果日我講開ｄ蕉會擺到太熟既問題，印度婆婆就醒咗我一招啦．

佢話：如果ｄ蕉太熟，食唔切，就搣咗ｄ皮，用保鮮紙包起，放入冰格，雪硬咗當冰果咁食又得，用返黎打milk shake或者焗蛋糕都得喎．