雖然我只得Bibi一個女兒，但自她三歲半開始，我就已經是圖書館的常客，對挑圖書可說略有心德，就在此跟大家分享一下．
Bibi早期一年內看過的五六百本圖書，我全預先看過，之後亦會伴她一起閱讀，所以我十分了解她的閱讀進度，可以漸進提升書本內容的級別．
現今圖書館的書種已傾向多元化，做家長的，不要死守著伊索寓言，格林童話，應放開懷抱，選些不悶蛋，又情節出人意表的書本，讓孩子學習之餘亦增加想像空間．就好似我早前提過既母雞孵出大恐龍一樣，會令小朋友讀來興味盎然架．
先介紹適合小學生讀的益智讀物：傻貓神探
方舒眉著，世紀文化出品，是新一代的兒童讀物．
除了可愛的插圖，更把修詞字彙等關鍵詞語，用彩色大字點出．
小朋友閱後，自會不經不覺地學到正確用語，提升中文水平及寫作能力．
這一本我家有個烏龜園
適合中低年級學童
字不多，令人看得舒服
題材貼近生活，小朋友定會喜歡閱讀．
偶爾選些勵志書本，亦可教孩子珍惜所有
齊樂樂的獨腳提琴手，連我也想一讀，可惜是日配額已滿，只好照張相讓大家參考一下．
純文字的書藉，適合高小至初中生．
我最鼓勵大家選一些整個系列的圖書，這套美德易開罐，是以新時代背景寫的德育故事．
插圖精美
疏落的版面讓小朋友有極速讀完的成功感．
閱後亦可跟父母分享故事的內容，大家交流一下對事件的看法，增加彼此溝通的機會．
你係唔係 Bibi 嘅學校家長會成員黎 ！
回覆刪除[版主回覆05/03/2011 09:11:00]梗唔係啦! 我咁耐都冇做過家教會d野, 除咗一次開放日去教剪紙同間中焗住要整紅豆糕之外, 我其實冇乜貢獻架.
Ｄ中文書真係越嚟越有趣味呀...重好靚㖭！ 不過可惜我兩個女唔識中文！
回覆刪除[版主回覆05/03/2011 10:49:00]我諗英文書一樣會有新變化既, 物識下咯.
(Empty)
回覆刪除[版主回覆05/03/2011 10:50:00]有乜好笑呀? 叉燒包.
無, 我諗緊第日同個仔講故仔姐..........
回覆刪除[版主回覆05/03/2011 11:25:00]時代一路轉變, 我就興隨口翕古仔既, 你都要keep住新思維至得架.
但係我都好希望阿b第日知道格林童畫同安徒生既故事~~~
回覆刪除[版主回覆05/03/2011 12:59:00]童畫書就梗會涉獵既, 只係睇呢d書之餘, 都要與時並進唧.
欣欣在4歲都係圖書館的常客, 皆因入到去第一時間搵自己鍾意的圖書, 所以,由圖畫揀到圖畫和文字一齊睇.
回覆刪除以上的圖書都好, 搵日去睇下.
[版主回覆05/03/2011 15:35:00]想佢真係學到野, 要幫手搵下好書至得. 有時有d書我想佢睇, 但佢又未必肯睇, 我會導讀, 等佢入咗戲之後, 我就唔肯再講, 咁佢又想知跟住既情節, 就焗住要自己睇啦, 咁唔覺意就睇晒架啦!
在圖書館可以拍照的嗎????
回覆刪除[版主回覆05/03/2011 15:34:00]只影幾幅, 唔係影人就冇人會阻止你既.
依家既小朋友好幸福, 媽咪又錫佢地, Bibi睇得書多第日一定好聰明!
回覆刪除[版主回覆05/03/2011 15:33:00]佢已經牛龜咁大啦, 仲高過我, 今年都入U啦. 事實證明咗佢都只係普通智力, 唔會特別聰明, 冇我既遺傳吖麻!
妳真係好識教小朋友呀.
回覆刪除[版主回覆05/03/2011 15:32:00]可惜Bibi都係麻麻地乖呢.
你真係好心機啦﹗我都有帶對囡去圖書館呀…不過唔係成日囉…佢地每次選D書都唔到我話事的…有時仲要係拎餐死返到屋企都唔睇的
回覆刪除[版主回覆05/03/2011 15:47:00]嘩! 要你做騾仔呀? 咁慘.... 仲唔睇添呀? 咁一係就太多其他野吸引咗佢地, 搞到冇乜心機睇書, 一係就係d書唔夠好睇咯. 我地以前晚上唔多睇電視架, 所以最大既娛樂係母女一齊玩親子遊戲同閱讀故事時間.
係喎!就用你呢個方法, 睇下欣欣得唔得. 唔該晒你.
回覆刪除[版主回覆05/03/2011 17:29:00]你參考埋我答樓上網友既回應啦.
我都有多看點書! 結婚後,小看了很好多. 我細個時, daddy mummy都會日日陪我一齊睇書. 而家唸番都好開心
回覆刪除[版主回覆05/03/2011 17:15:00]呢d真係歡樂時光黎架.
我本人沒有刻意去選圖書給女兒看，只帶她到圖書館，讓她自己選，不過要她選一本有多一點文字或是英文書。我想她看的，她未必想看，所以讓她自由選擇，到現在，一經過書局，她都會想入內看看書的。
回覆刪除[版主回覆05/03/2011 17:29:00]有時小朋友係唔多曉揀書架麻, 想佢地真係學到野, 做家長既點都要幫下手至得.
有時有d書我想Bibi睇, 但佢又未必肯主動睇, 我會導讀, 等佢入咗戲之後, 我就唔肯再講, 咁佢又想知跟住落黎既情節, 就焗住要自己睇啦, 咁唔覺意就睇晒架啦!
我又試過扮野, 將d書當禁書咁自己睇(即係借俾我自己睇既, 唔關佢事), 見我睇得咁開心, 佢會忍唔住拎黎睇架.
到佢再大d, 上面果招冇效lu, 咁我又改下, 假日早上起床攤係床度睇一陣書, 睇睇下出咗去, 但將本書爬轉, 放係枕頭面, 跟住佢起身, 唔見我, 又唔願落地住, 就會無聊拎黎睇, 咁又會喜歡本書架啦.
不過咁, 你揀書既能力都要有返咁上下, 要啱佢地口味, 但又要合程度同能力, 又要真係益智先得架. 間中都要俾佢地睇下d唔需要用腦既漫畫書既, 好似牛仔, 老夫子果d呢.
睇咗呀! 你所講的方法即管試下, 希望成功. 多謝你講咁多方法俾我呀!
回覆刪除[版主回覆05/03/2011 20:15:00]萬法不離其中, 未必人人啱用, 但橋唔怕舊, 最緊要受.
多謝分享呀
回覆刪除[版主回覆05/03/2011 20:14:00]邊駛咁客氣吖, 你地d新一代媽咪都要時時調教引領子女面向光明既方法呀.
你真係好有心得, 都話你好o岩做老師架啦, 仲一定係好得學生鍾意果隻添
回覆刪除[版主回覆05/03/2011 20:13:00]我怕吐血架, 所以好少收學生既.
你囡囡好幸福
回覆刪除[版主回覆05/04/2011 08:36:00]可惜人係身在福中不知福既, 或者到佢第日做咗人地阿媽, 又識回想從前既話, 就會知道架啦.
(Empty)
回覆刪除[版主回覆05/04/2011 08:36:00](Empty)
hee hee, momo starts going to library before one, my mum takes her to library and reads her stories, will also borrow some home...
回覆刪除[版主回覆05/04/2011 08:35:00]習慣咁係好事黎, 大家都想佢精乖靈脷架麻!.
現在的兒童圖書比以前多很多， 政府亦願意購買多兒童書同多媒體教材 一齊看書實是一個非常好的親子活動
回覆刪除[版主回覆05/04/2011 08:34:00]係架, 所以我持續做咗好幾年, 到佢小一小二, 已經可以好獨立自己睇書, 唔駛煩, 亦可以自己睇題目, 唔駛督佢做功課, 我地小學階段係唔需要請補習老師既, 所以算係快快樂樂咁過架啦.
可能以前娛樂少, 從來都係我自己去圖書館睇書.
回覆刪除[版主回覆05/04/2011 22:24:00]我以前唔識去圖書館架, 連證都冇.
如果個個媽媽都好似你咁，香港人0既素質一定會大大改善啦 !
回覆刪除[版主回覆05/05/2011 08:28:00]做老師既, 要做到我咁, 當然搞唔掂啦. 但間中做下d學生既心靈引導者, 我相信你都做得到架.
打開自己個心, 唔好咁死板, 活潑d, 同佢地多d溝通, 實有人明架. 一班入面, 有一兩個我咁款既學生收到既話, 咩都值架!
Those books look really interesting. The book with colorful words looks like the Geronomin Stilton books my kids read. I guess I may have to ask my cousin to send me a couple. Our libraries here in Toronto do not have this kind of Chinese books...
回覆刪除[版主回覆05/05/2011 21:51:00]最頂果套確係好野黎, 我話既!
我有D興趣漂亮媽媽個本呀
回覆刪除[版主回覆05/06/2011 17:48:00]你自己睇咗, 當故事講俾婷婷聽都係德育教學黎.