這是一張為兒童癌病基金籌款的訂單．
甚少做這麼正經八百的英文字體，就當是換換口味吧！
一向都不喜歡做事有固定框框，但為應要求，只好乖乖就範．
剛刻好所有英文字
只剩清理現場的工序，總算順利．
抹一把臉，印章乾乾淨淨，郤照來照去也拍不出一張清晰的照片．
不知怎搞的，焦點往往聚到我的毛孔上！
以為是閃光燈作怪，換了不用閃燈的，也拍得不清不楚，可能攝影技術太差勁了．
為免影響物主日後選用印台顏色的自由，我沿用黃色來試印．
噢！不用Take Two，值得高興．
來看看餐紙較果
恭喜你，Candy小姐，有這樣一個好姊妹為你訂製這份特別的禮物，希望你好好珍惜這份情誼．
為有心人多做一個手柄，希望你用得就手又稱心啦！（不能用顏色印台，將就著試用紫色凸字粉，效果強差人意，但請放心，是不會影響蓋印效果的．）
雕得好靚又有線條美.
回覆刪除[版主回覆05/10/2011 09:30:00]係人地本身隻字體好唧, 唔關我事架.
整整齊齊既字都ok吖!!!! 反而我覺得咁仲好呢~!!!! 有柄既印仔先好用ma!!!!!!
回覆刪除[版主回覆05/10/2011 09:31:00]我監硬拆副層層疊黎用架! 梳化二介紹既, 我專登優惠佢架.
因為部相機認唔到黃色呱, 你試下攞d 差唔多高既野平排, 對到焦之後再攞開佢, 咁應該影到..........
回覆刪除[版主回覆05/10/2011 13:00:00]係呀, 原來咁既咩? 等我下次試下先.
今次又整左幾耐呢?
回覆刪除[版主回覆05/10/2011 13:01:00]都唔好計咯. 一計就知自己冇最低工資架啦!
係呀!原來係咁.
回覆刪除[版主回覆05/10/2011 14:10:00](Empty)
英文字難唔到May姨嘅 ！我諗中文字比英文字難雕Ｄ，係米呀 ！
回覆刪除[版主回覆05/11/2011 09:02:00]錯, 係英文難d, 因為人地選咗字體既話, 多一分, 少一分都唔得架. 而中文呢... 我稍為偏移或者粗幼不同, 都冇人敢質疑我.
訂單? 可以落order架?
回覆刪除[版主回覆05/12/2011 08:51:00]我偶爾會咁做既, 收款全部撥捐兒童癌病基金.
好四正.
回覆刪除[版主回覆05/14/2011 09:17:00](Empty)