呢個品牌新登場果陣，我就已經買過好多黎食，一次過買好多包，然後用葯丸樽分開晒ｄ色黎裝．
果陣覺得佢好好味架，但後來食厭咗又唔食啦．雖然之後都出過其他口味，只係買包食下就算．
呢輪廣告都賣得好行，見市面又多咗呢款新庄，又買包玩下先（呢包我係個幾月前食既）．
睇下幾搞鬼，一粒有多重口味．
我食糖最忌車厘子，成日凝住會係葯水味既，呢粒呢，竟然加咗Lemonade同佢抗衡，入口就冇咁難頂啦！如果唔係呀？所有雜果味既糖入面既車厘子味，我都會jut晒俾呀仔食既！（鬼吖麻，佢地食慣既！）
買一包返去，傳黎傳去，一人拎幾粒試下，都幾開心架．
食晒成包都只係230卡，唔怕啦，大家分攤之後，都冇幾卡入到肚啦．
會唔會好甜呀
回覆刪除[版主回覆05/29/2011 12:55:00]普普通通, 都係original好味d.
原來你同我一樣都係唔多中意食 車厘子味既糖架, 感覺一樣la!!! 但依隻rainbow已經多年冇食lu, 因為怕佢''luck色'', 攪到條脷變哂色呢!!!!
回覆刪除[版主回覆05/29/2011 20:07:00]原味我就最愛士多啤梨.
真係有童心呀, 我好少食呢D糖果呢.
回覆刪除[版主回覆05/29/2011 20:06:00]跟同事一齊分享, 除咗可以嘗新, 亦可以聯絡感情.
之前都食過,好味. 但係,現在減肥,唔食呀!
回覆刪除[版主回覆05/30/2011 08:12:00]我都係試下味唧, 有新野我多數都試既.
甘多顏色, 多數都吾好食~
回覆刪除[版主回覆05/30/2011 08:13:00]我買黎大家玩下, 一人幾粒, 冇所謂啦.
糖我好少食 ！
回覆刪除[版主回覆05/30/2011 08:13:00]少食糖咪好咯, 健康d.
其實所有糖我發現都係原味好d
回覆刪除[版主回覆05/30/2011 09:50:00]生產商驚失去市場競爭力, 係要出下新花款去吸引人架啦.
我以前都好鐘意食呢款糖,不過後尾覺得好甜所以就無咩點食喇
回覆刪除[版主回覆05/30/2011 11:22:00]咩都係食少少好啦, 尤其係零食.
所以Bibi細個果陣零食係永遠唔缺既, 但就只係食丁咁多, 變成咩都有得食, 但咩都唔恨食.
只有一樣野我係唔買俾佢食既, 就係果d成大球既棉花糖, 我嫌佢太lau gou, 又難毀滅. 但係細路就梗係想試下架. 於是我要佢考到全級第一先買. 咁頂晒籠都只係一年先可以食一次之麻. 但就可以令佢開心, 好期待咁去迎接呢枝幾蚊雞既棉花糖. 我諗佢到依家仲會記得呢件事呀.
哇~全級考第一先有得食!!咁死喇婷婷成鬼日有得食點樣令佢可以好有渴求考第一好呢
回覆刪除[版主回覆05/30/2011 12:58:00]錯啦, 我唔係要佢渴求考第一呀, 事關佢讀到小學畢業都未渴求過架. 我只係唔想佢有太大物慾唧.
新野黎wo.....230卡~~~食完做運動囉要!!
回覆刪除[版主回覆05/31/2011 10:02:00]要食晒成包, 先有230卡喎! 我地食幾粒, 丁晒籠都只係廿卡唧.
mango peach 應該好味喎!
回覆刪除[版主回覆06/02/2011 09:02:00]都係卓頭黎唧, 純粹買黎大家開心下, 唔會再買架啦.