單睇書名，基本上唔應該會有興趣拎起黎睇既．咁啱我去巡視圖書館，為大家揀選合適既兒童讀物，咪順手拎起黎揭下咯．
呢本書？係好野黎架！
幾大粒字！係神話與現實既大結合，絕對可以用黎拍一套劇習．
話說媽祖廟入面除咗媽祖婆婆外，仲有兩位天神：千里眼與順風耳．
有一日，幾個後生仔黎影相，影完諗住係咁意上下香，點知發現原來得媽祖婆婆有香爐，而另外兩位就梳里啦，係畝既！仲想同佢地兩個主持公道添！
就係因為ｄ後生仔一言驚醒夢中人，順風耳先突然覺得自己呢一千年黎都做緊傻仔，一於出走，自立門戶．因為佢咁耐都未出去見過世面，所以就搞到笑話百出．
呢本書信相大部份人都未睇過架啦，去圖書館搵下啦，作者係李潼，兒童圖書部索書號J8574030．
從事創作行業既朋友，自信還有一分童心既成年人，或者仲係見習級別既家長，都應該睇下．
當老師既，不妨在學年試後的試後活動上，口述故事前部，然後請同學伸延重寫故事結局，既可啟發大家創意，又可以了解學生思維，一舉兩得！
神話，原來可以好refreshing架！
回覆刪除我好耐無去圖書館lu，連張証都唔知用唔用得!
[版主回覆05/05/2011 08:48:00]有冇bar code架? 如果有, 一定用得.
咪諗住兒女大, 你就唔去蒲至得架, 圖書館係藏寶庫黎, 去多d, 自己都搵到新靈感架.
回覆刪除細嘅館唔想去，大館又遠
[版主回覆05/05/2011 09:16:00]可以去大館借書, 細館還. 又或者預約圖書都得架.
實在有太多好書值得睇啦!
回覆刪除就係上網預約唔到書先知張咭有問題，又懶去攪!
[版主回覆05/05/2011 09:54:00]嗄~~ 咁慘. 快d去搞返啦, 一卡旁身, 全港通行呀! 仲可以借麵粉花書睇添!
台灣架?
回覆刪除[版主回覆05/05/2011 11:25:00]冇錯, 叻仔叉燒包!
啱唔啱我睇呀? 想試下睇.
回覆刪除[版主回覆05/05/2011 11:24:00]大人細路都啱睇.
係呀, 真係開卷有益, 我都成日去圖書館架.
回覆刪除精神食糧都好重要, 吾睇下書, 好似若有所失架.
[版主回覆05/05/2011 11:40:00]我日日都睇架, 冇書睇咪搵返d讀者文摘或者剪報睇咯, 再唔係咩都冇係手既話, 爸爸果d"溫暖人間"或者"天使心"我都會拎黎頂住先既.
要去搵搵黎睇先得 ...
回覆刪除[版主回覆05/05/2011 12:55:00]唔要做死咕咕家長, 就要睇下家陣d故仔興翕乜啦!
書名唔太吸引, 但估不到係本正書呢!!!!
回覆刪除[版主回覆05/05/2011 13:44:00]係呀, 連書面都唔吸引, 好彩我都仲肯拎起佢黎揭下咋.
十兄弟裹嘅順風耳同千里眼，原來係媽祖嘅左右護法 。
回覆刪除[版主回覆05/05/2011 13:58:00]呢書本入面既, 係講當年太上老君年代既故事入面既角色黎, 唔係十兄弟入面既新潮版呀! 所以佢係十蚊攤帶咗三樣十蚊三件既禮物返去, 都係佢地認為好實用同新奇既.
睇個封面都唔會想睇，你一講完又好有興趣。哈！
回覆刪除[版主回覆05/05/2011 14:13:00]所以揀書真係要講緣份架, 我見本書咁特, 咪介紹俾大家睇下咯.
個書名已經唔吸引,個書面仲......,俾我見到真係唔會揭囉~~
回覆刪除[版主回覆05/05/2011 17:38:00]好彩俾我發掘佢出黎唧! 屯門公共圖書館有呀!
本書個封面好似........好似........好似恐怖0左少少喎 ！
回覆刪除[版主回覆05/05/2011 21:43:00]但內函夠就得啦.
有時候真係唔可以睇外表！
回覆刪除[版主回覆05/06/2011 08:28:00]就係咯, 如果唔係我認真d睇下, 都唔會借佢走呀.
封面真係唔夠吸引...haha 不過睇你咁講要去睇下先得
回覆刪除[版主回覆05/06/2011 17:47:00]值得睇架, 有創意.
May姨 您好!
回覆刪除祝 母親節快樂!身體健康!
[版主回覆05/08/2011 10:22:00]我都祝蕃薯嬸今日過得開心.