趕兩場

新正頭，一日趕兩場，真唔係易。

早上要去街市氹返轉，買備菜蔬供大家燒烤用。

洗洗切切，功夫多，但我願意。始終燒野食都冇乜益，多D菜食下，間開下都好既。

諾諾B今日算乖啦，早幾日唔新鮮黎，仲睇緊大夫，見到大家都冇扭計。

雖然我好唔想就咁就閃，始終同D兄弟姊妹聚會好玩過食齋既，我地只係燒咗兩件雞中翼同蒜蓉包就走啦。一早就應承咗爸爸陪佢去齋宴，冇咁衰甩佢底既。

原來呢間酒樓既齋宴都唔差喎!

大家先猜下燈謎。

因為D人我都係第一次見，唔係幾好意思影相，係咁意叫爸爸用電話影幾幅算啦。呢碟係併盆，用面筋做既乳豬既質感真係好似，味道亦唔錯。

其餘既菜式都係用菜蔬黎做，得D海參係用苟蒻做既。而呢碟所謂炸子雞，都係豆皮製品黎。

我地一檯十二人，有九位抽到獎。我地抽到手指一隻，都唔錯吖。

有女士抽到呢隻blink blink滑鼠，睇下佢幾靚! 真係有抄巧價值喎。